ކެފޭ ރެސްޓޯރަންޓް ހުޅުވާފައި ބެހެއްޓޭ ވަގުތު އިތުރުކޮށްފި

ސައިހޮޓާ، ކެފޭ، ރެސްޓޯރެންޓު އަދި ކެންޓީނުތައް ހުޅުވާފައި ބެހެއްޓޭނެ ވަގުތު އިތުރުކޮށްފި އެވެ.

އިކޮނޮމިކް މިނިސްޓްރީ އިން ކުރި އިއުލާނެއްގައި ބުނީ މިމަހުގެ 24 އިން ފެށިގެން ސައިހޮޓާ، ކެންޓީން، ކެފޭ، ރެސްޓޯރަންޓް ފަދަ ކާބޯތަކެތީގެ ހިދުމަތްދޭ ތަންތަން ފަތިހު 4:30 އިން މެންދަމު 1:00 އަށް ހުޅުވާފައި ބެހެއްޓޭނެ ކަމަށެވެ. މީގެ ކުރިން އޮންނަ ގޮތުން މިފަދަ ތަންތަން ހުޅުވާފައި ބެހެއްޓޭނީ ރޭގަނޑު 11:30 ވަންދެންނެވެ.

advertisement

ކެފޭ ރެސްޓޯރަންޓްތައް ހުޅުވައި ޙިދުމަތްދޭއިރުވެސް މިކަމަށް ޙާއްސަކޮށްފައިވާ ގައިޑްލައިންތަކަށް އަމަލުކުރުމަށް އެޗްއީއޯސީން އިލްތިމާސްކުރެއެވެ. އެގޮތުން ޙިދުމަތްދޭއިރު މާސްކް އެޅުމާއި، ކަސްޓަމަރުން އެކަކު އަނެކަކާއި ދެމެދު އިޖްތިމާއި ގައިދުރުކަން ބެހެއްޓުން ހިމެނެއެވެ. މި ބަދަލު ގެނައީ ކޮވިޑް19 އިން ރައްކާތެރިވުމަށް އަޅާފައިވާ ފިޔަވަޅުތަކަށް ގެނައި ބަދަލާއެކު ކަމަށް އިކޮނޮމިކް މިނިސްޓްރީ އިން ބުނެއެވެ. ކެފޭ ރެސްޓޯރަންޓްތައް ހުޅުވާފައިހުންނަ ވަގުތައް ބަދަލު ގެނެސްފައިވާއިރު ޤުރުއާން ކްލާސްތަކާއި ޓިއުޝަން ސެންޓަރުތައްވެސް ހުޅުވުމުގެ ހުއްދަ މިހާރު ވަނީ ދީފައެވެ.