ރިލީޒް ސާމްޕަލް ނަގާ ތަންތަނުން މިހާރު ވޮލަންޓްރީ ސާމްޕަލްވެސް ނެގޭނެ

ކޮވިޑް19ގެ އަލާމާތްތައް ނެތް މީހުންގެ ތެރެއިން ބައްޔަށް ޓެސްޓުކުރަން އަމިއްލަ އަށް ބޭނުންވާ ފަރާތްތަކަށް ޓެސްޓު ކުރުމުގެ ފުރުސަތު ހުޅުވާލައިފި އެވެ.

އެޗްޕީއޭ އިން ބުނީ މާލެ ސަރަހައްދުގައި ރިލީޒް ސާމްޕަލް ނަގާ ތަންތަނުން މިހާރު ވޮލަންޓްރީ ސާމްޕަލްވެސް ނެގޭނެ ކަމަށެވެ.

advertisement

ނަމަވެސް ބައެއް ފަރާތްތަކަށް ވޮލަންޓްރީ ސާމްޕަލް ނުދެވޭނެކަމަށްވެސް އެޗްޕީއޭއިން ވަނީ ކަނޑައަޅާފައެވެ. އެއީ ކޮވިޑުގެ އަލާމާތްތައް ހުންނަ މީހުންނާއި ޕޮޒިޓިވް މީހުންގެ ކޮންޓެކްޓުން އަދި ރާއްޖެއިން ބޭރަށް ފުރަން ޓެސްޓު ހަދާ މީހުނެވެ.

ވޮލަންޓްރީ ސާމްޕަލް ނެގުން ކުރިއަށްދާނީ މާލެ ހިޔާ ފުރަގަހުގައި ހުންނަ ކުރީގެ ފްލޫ ކްލިނިކް ހިންގި އިމާރާތުގައި ހުކުރު ދުވަސް ނޫން ކޮންމެ ދުވަހެއްގެ ހެނދުނު 9:00 އިން މެންދުރު 1:00 އަށް އަދި ހަވީރު 5:00 އިން ރޭގަނޑު 9:00 އަށެވެ. ހުކުރު ދުވަހު ސާމްޕަލް ނަގާނީ ހަވީރު 5:00 އިން ރޭގަނޑު 9:00 އަށެވެ.

ހުޅުމާލޭ ފްލޫ ކްލިނިކުންވެސް ވޮލަންޓްރީ ޓެސްޓިން އަށް ސާމްޕަލް ނެގޭނެ އެވެ. މިތަނުން ސާމްޕަލް ނަގާނެ ގަޑިތަކަކީ ކޮންމެ ދުވަހެއްގެ ހަވީރު 5:00 އިން 9:00 އަށެވެ.