މުއްދަތު ހަމަވެފައިވާ އައިޑީކާޑު ވޯޓުލުމަށް ބޭނުންކުރެވޭނެ

އަންނަ ކައުންސިލް އިންތިޚާބުގައި ވޯޓްލުމަށް މުއްދަތު ހަމަވެފައިވާ އައިޑީކާޑު ބޭނުންކުރެވޭނެކަމަށް ޑިޕާޓްމަންޓް އޮފް ނޭޝަނަލް ރަޖިސްޓްރޭޝަން ހާމަކުރައްވައިފިއެވެ. ޑިޕާޓްމަންޓް އޮފް ނޭޝަނަލް ރަޖިސްޓްރޭޝަން މިހެން ހާމަކޮށްފައިވަނީ އެތަނުގެ މުވައްޒަފަކު ކޯވިޑަށް ޕޮޒިޓިވްވެ އެ އިދާރާއިން ދެމުން އައި ޚިދުމަތް މިދިޔަ މަހުގެ 27 ވަނަދުވަހުން ފެށިގެން ވަނީ ވަގުތީ ގޮތުން މެދުކަނޑާލާފާވާތީއެވެ. އެ ޑިޕާޓްމެންޓުން ވިދާޅުވީ ހިދުމަތް މެދުކަނޑާލާފައިވުމުން މުއްދަތު ހަމަވެފައިވާ އައިޑީކާޑު ބޭނުންކޮށްގެން މިފަހަރު ކައުންސިލް އިންތިޚާބުގައި ވޯޓް ލެވޭނެކަމަށެވެ. އަދި މިގޮތަށް ކަނޑައެޅީ މިހާރު މާލޭ ސަރަހައްދުގައި ކޯވިޑްގެ ހާލަތު ހުރި ގޮތުން ގިނަ ބަޔަކު .އްތަނަކަށް އެއްވެ އުޅުން ރަގަޅު ކަމެއްކަމުގައި ނުފެންނާތީކަމަށެވެ

ޑީއެންއާރުން ވަނީ މުއްދަތު ހަމަވެފައިވާ ކާޑަށް އަންނަ ޖޫންމަހުގެ 31 ވަނަދުވަހުގެ ނިޔަލަށް ކާޑު ބޭނުންކޮށްގެން ލިބޭ ހިދުމަތް ދިނުމަށް އަންގާފައެވެ

advertisement

ކޯވިޑާއި ގުޅިގެން މިދިޔަ އަހަރުވެސް އެއްކޮށް އޮތީ އައިޑީކާޑު ހެއްދުން ވަގުތީ ގޮތުން ހުއްޓާލާފައެވެ. އަދި މުއްދަތު ހަމަވެފައިވާ ހުރިހާ ކާޑަކަށް މިދިޔަ އަހަރު ނިމެންދެން ހިދުމަތްލިބޭނެ އިންތިޒާމު އެ އިދާރާއިން އޮތީ ހަމަޖައްސާފައެވެ