މިދިޔަ ކުއާޓަރުގައި ބީއެމްއެލްއަށް ލިބުނު އާމްދަނީ ބޮޑުތަނުން ދަށަށް

މިދިޔަ އަހަރުގެ ފަހު ކުއާޓަރުގައި ބޭންކް އޮފް މޯލްޑިވްސްއަށް މާލީގޮތުން ބޮޑު ގެއްލުމަކާއި ކުރިމަތިލާންޖެހިއްޖެއެވެ. ތަފާސްހިސާބުތައް ދައްކާގޮތުން ފާއިތުވި އަހަރު ބޭންކް އޮފް މޯލްޑިވްސް އަށް ލިބުނު ފައިދާ 2019 ވަނަ އަހަރާއި އަޅާބަލާއިރު 60 އިންސައްތަ ވަނީ ދަށްވެފައެވެ.

ބީއެމްއެލްއިން އާއްމުކޮށްފައި މާލީ ހިސާބުތައް ދައްކާގޮތުން މިދިޔަ އަހަރުގެ ފަހު ކުއާޓަރުގައި ބީއެމްއެލްއަށް ވަނީ 326.4 މިލިއަން ރުފިޔާގެ ގެއްލުމެއް ކުރިމަތިވެފައެވެ. އެ ކުއާޓަރުގައި ބީއެމްއެލްއަށް އާމްދަނީގެ ގޮތުގައި ލިބިފައިވަނީ 728 މިލިއަން ރުފިޔާއެވެ.

advertisement

މިދިޔަ އަހަރުގެ ފަހު ކުއާޓަރުގައި ބީއެމްއެލްއަށް ބޮޑު ގެއްލުމަކާއި ކުރިމަތިލާންޖެހުނު ނަމަވެސް އަހަރުގެ ބާކީ 3 ކުއާޓަރުގައި ބީއެމްއެލްއަށް ވަނީ ފައިދާވެފައެވެ. އެގޮތުން ފުރަތަމަ ކުއާޓަރުގައި ބީއެމްއެލްއަށް 291 މިލިއަން ރުފިޔާގެ ފައިދާއެއް ލިބުނުއިރު، 2 ވަނަ ކުއާޓަރުގައި 106 މިލިއަން ރުފިޔާ އަދި 3 ވަނަ ކުއާޓަރުގައި 258 މިލިއަން ރުފިޔާގެ ފައިދާއެއް ވަނީ ލިބިފައެވެ.
2020 ވަނަ އަހަރު ޖުމްލަ އާމްދަނީގެ ގޮތުގައި ބީއެމްއެލްއަށް ލިބިފައި ވަނީ 2.6 ބިލިއަން ރުފިޔާއެވެ. 2019ވަނަ އަހަރު އެކުންފުންޏަށް އާމްދަނީގެ ގޮތުގައި ލިބިފައި ވަނީ 2.8 ބިލިއަން ރުފިޔާއެވެ

މިއަހަރު ތެރޭގައި އިގްތިސާދަށް އެހީތެރިވުމަށް ލޯނާއި ފައިނޭންސިންގގެ ގޮތުގައި ތިން ބިލިއަން ރުފިޔާއަށްވުރެ އިތުރު އަދަދަކަށް ބޭންކުން ފައިސާ ދޫކޮށްފައިވާކަމަށާއި ބޭންކުގެ އެސެޓަށް ގާތްގަނޑަކަށް ފަސް ބިލިއަން ރުފިޔާ އިތުރުވެފައިވާއިރު ކަސްޓަމަރުން ޑިޕޮސިޓްކޮށްފައިވާ އަދަދަށް ބަލާއިރު 6.4 ބިލިއަން އިތުރުވެފައިވާކަމަށް ބީއެމްއެލް އިން ބުނެއެވެ