އެމްއައިބީއިން ހުޅުމާލޭގައި އިތުރު އޭޓީއެމް ސެންޓަރެއް ހުޅުވައިފި

މޯލްޑިވްސް އިސްލާމިކް ބޭންކް، އެމްއައިބީގެ އިތުރު އޭޓީއެމް ސެންޓަރއެއް ހުޅުމާލޭގައި ހުޅުވައިފިއެވެ.
އެމްއައިބީއިން އެ ބޭންކުގެ އިތުރު އޭޓީއެމް ސެންޓަރެއް ހުޅުވާފައިވަނީ ހުޅުމާލެ ރަށު މާރުކޭޓުގައެވެ. މި އޭޓީއެމް ސެންޓަރ ހުޅުއްވައިދެއްވީ ހައުސިން ޑިވެލޮޕްމަންޓް ކޯޕަރޭޝަން، އެޗްޑީސީގެ މެނޭޖިން ޑިރެކްޓަރ ސުހައިލް އަޙުމަދާއި އެމްއައިބީގެ މެނޭޖިންގ ޑިރެކްޓަރ އަބްދުލް މުހައިމިންއެވެ.

މިއީ ހުޅުމާލޭގައި އެމްއައިބީން ހުޅުވި 2 ވަނަ އޭޓީއެމްއެވެ. މި އޭޓީއެމް މެދުވެރިކޮށް އެހެން އޭޓީއެމްތަކުން ލިބޭ ޙިދުމަތްތަކުގެ އިތުރުން، ކޭޝްކާޑަކާއި ނުލައި ފައިސާ ޖަމާކުރުމުގެ ޙިދުމަތް ލިބޭނެކަމަށް ބީއެމްއެލުން ވިދާޅުވެއެވެ.

advertisement

އެމްއައިބީން ހުޅުމާލޭގައި ހުޅުވި އޭޓިއެމްއާއިއެކު އެ ބޭންކުން ރާއްޖޭގައި ޙިދުމަތްދެމުންއަންނަ އޭޓީއެމްގެ އަދަދު ވަނީ 19 އަށް އަރާފައެވެ. އެމްއައިބީން ވަނީ ޏ. ފުވައްމުލަށް އަދި ސ. ފޭދޫގައިވެސް މިހަފްތާތެރޭ އާ އޭޓީއެމް މެޝިންތަކެއް ބަހައްޓާ ޙިދުމަތްދޭން ފަށާފައެވެ.