އިންޑިއާއިން ހަދިޔާކުރި ކޮވިޝީލްޑް ވެކްސިންޖަހަން ޕީޕީއެމްއިން ގޮވާލައިފި

އިންޑިއާއިން ރާއްޖެއަށް ހަދިޔާކުރި “ކޮވިޝީލްޑް” ވެކްސިން ޖަހަން އިދިކޮޅު ޕީޕީއެމްއިން ގޮވާލައިފި އެވެ.
އިންޑިއާގެ ސީރަމް އިންސްޓިޓިއުޓާއި، އެކްސްޓްރާޒެނެކާ ގުޅިގެން އުފައްދާފައިވާ ކޮވިޝިލްޑް ވެކްސިންއަށް ޑަބްލިއުއެޗްއޯއިން މިހާތު ވަނީ ހުއްދަ ދީފައެވެ.
އިދިކޮޅު ޕީޕީއެމް ކޯލިޝަނުން މީގެކުރިން ވަނީ އެ ވެކްސިން ރައްކާތެރިނޫންކަމަށްބުނެ ވެކްސިން ޖެހުމާއި ދެކޮޅުހަދާފައެވެ. އަދި ވެކްސިންގެ ރައްކާތެރިކަން ކަށަވަރުކޮށް ދިނުމަށްވެސް އެއިރު ޕީޕީއެމްއިން ދިޔައި ގޮވާލަމުންނެވެ. ނަމަވެސް މި ވެކްސިން ޖެހުމަށް މިހާރު ޕީޕީއެމުން ވަނީ ގޮވާލާފައެވެ. ޕީޕީއެމްއިން ބުނީ ކޮވިޝީލްޑް ޖަހަން މިހާރު ގޮވާލީ އެ ވެކްސިނަށް ޑަބްލިއުއެޗްއޯއިން ހުއްދަ ދީފައިވާތީ އެކަމަށް އިޖާބަދީ ދިވެހި ރައްޔިތުން ވެކްސިން ޖަހަން ހިތްވަރު ދިނުމުގެ ގޮތުން ކަމަށެވެ.

ޕީޕީއެމްގެ އިސްސަފުގައި މަސައްކަތްކުރާ ބައެއް ބޭފުޅުންވެސް މިހާރު ވަނީ ވެކްސިން ޖައްސަވާފައެވެ. އޭގެތެރޭގައި ޕީޕީއެމްގެ ސްޕެޝަލް އެޑްވައިޒަރުންގެ ގޮތުގައި ތިއްބެވި ކުރީގެ ނާއިބު ރައީސް ޑރ. މުހައްމަދު ޖަމީލް އަދި ކުރީގެ ރައީސް މުހައްމަދު ވަހީދު ހަސަން މަނިކު ހިމެނިވަޑައިގަންނަވައެވެ.

advertisement