ޚަބަރު

ވެކްސިން ޖެހުމަށްފަހު އެއްވެސް މައްސަލައެއް ނެތްނަމަ ލޭހަދިޔާ ކުރެވޭނެ

20 ފެބުރުއަރީ 2021 - 14:46

ވެކްސިން ޖެހުމަށް ފަހު ސިއްހީ އެއްވެސް މައްސަލައެއް ދިމާނުވާ ނަމަ ލޭ ހަދިޔާކުރެވޭނެ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އިމިއުނިޒޭޝަން ޕްރޮގްރާމްގެ ޓެކްނިކަލް އެޑްވައިޒަރީ ގްރޫޕުގެ ހެޑް، ޑރ. އަހުމަދު ފައިސަލް ކުރެއްވި ޓްވީޓުގައި ވިދާޅުވީ ކޮވިޑް ވެކްސިން ޖެހުމަށްފަހު ބައެއް މީހުން ދެ ތިން ދުވަހު ހުންއައިސް، ގައިގައި ރިއްސާ ވަރުބަލިވެފައި ހުންނަ ކަމަށެވެ. އެހެންވެ ލޭ ދިނުން އެންމެ ރަނގަޅަކީ އެފަދަ ކަމެއް ދިމާވޭތޯ ބެލުމަށް ތިން ދުވަސްވަރު މަޑުކޮށްލުމަށްފަހު ކަމަށް ވެސް ވިދާޅުވި އެވެ. ނަމަވެސް އެފަދަ އެއްވެސް މައްސަލައެއް ދިމާނުވާނަމަ ވެކްސިން ޖަހާތާ 24 ގަޑިއިރުގެ ތެރޭގައިވެސް ދޭ ހަދިޔާ ކުރެވިދާނެކަމަށް ޑރ. ފައިސަލް ވިދާޅުވިއެވެ. އަދި ވެކްސިން ޖެހުމަށްފަހު އެއްވެސް އަލާމާތްތަކެއް ފެންނަން ނެތްނަމަ ލޭއެޅޭނެކަމަށްވެސް އޭނާ ވަނީ ވިދާޅުވެފައެވެ.
ލޭ ހަދިޔާކުރާ މީހާ ހުންއައިސް ގައިގައި ރިއްސުން ފަދަ ކަމެއް ދިމާވާނަމަ މަޑުކޮށްލަން ބުނަނީ އެމީހާގެ ރައްކާތެރިކަމަށްކަންވެސް ޑރ. ފައިސަލް ވަނީ ފާހަގަކުރައްވާފައެވެ.
ތެލެސީމިއާ ސެންޓަރަށް ލޭ ހަދިޔާކުރަން ކުންފުނިތަކާއި އޮފީސްތަކުން ހާއްސަ މުނާސަބަތުތަކާ ގުޅުވައި ކޭމްޕުތައް ބާއްވަ އެވެ. ނަމަވެސް ކޮވިޑުގެ ސަބަބުން ލޭ ލިބުމުގައި ދަތިތައް ދިމާވި ކަމަށް ތެލެސީމިއާ ސެންޓަރުން މީގެ ކުރިން ބުނެފައިވެ އެވެ. އެހެންކަމުން ހުރިހައި ފަރާތްތަކުންވެސް އަމިއްލައަށް އެދިގެން އައިސް ލޭހަދިޔާކުރުމަށް ތެލަސީމިއާ ސެންޓަރުން ވަނީ އެދިފައެވެ.

advertisement
ރިއެކްޝަންސް
0
0
0
0
0
0
0