ޚަބަރު

ދައުލަތައް 35 އަހަރަށްވުރެ ގިނައިން ޙިދުމަތްކޮށްފައިވާ ފަރާތްތަކަށް ޤައުމީ ފެންވަރުގެ އިނާމެއް ދެއްވަން ނިންމަވައިފި

24 ފެބުރުއަރީ 2021 - 13:22

ދިގު މުއްދަތަކަށް ދައުލަތައް ޙިދުމަތްކޮށްފައިވާ ފަރާތްތަކަށް “ދިވެހި ދަޢުލަތަށް ޚިދުމަތްކުރުމުގެ އިމާނު”ގެ ނަމުގައި ޤައުމީ ފެންވަރުގެ އިނާމެއް ދެއްވާގޮތަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ހަމަޖައްސަވައިފިއެވެ. މިއީ ދިވެހި ދައުލަތަށް 35 އަހަރަށްވުރެ ދިގު މުއްދަތެއްގައި ޚިދުމަތްކޮށްފައިވާ މީހުންގެ އަގު ވަޒަންކުރުމުގެގޮތުން ދޭން ނިންމާފައިވާ އިނާމެކެވެ.

ވަޒީރުންގެ މަޖިލީހުގެ ބައްދަލުވުމުގައި މި އިނާމު މިއަހަރުގެ ޖުމްހޫރީ ދުވަހުން ފެށިގެން ދެއްވާގޮތަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްވަނީ ނިންމަފާއެވެ.

ރައީސުލްޖުމްހޫރިއްޔާ ވިދާޅުވީ، ދައުލަތަށް ވަރަށްދިގު މުއްދަތެއްގައި އިޚްލާޞްތެރި ޚިދުމަތްތަކެއް ކުރައްވާފައިވާ އަދި މިހާރުވެސް ކުރައްވަމުން ގެންދަވާ ގިނަ ޢަދަދެއްގެ ބޭފުޅުން އެބަ ތިއްބެވިކަމަށެވެ. އެބޭފުޅުންގެ ޚިދުމަތްތަކަކީވެސް ޤައުމީ ފެންވަރެއްގައި ބަލައިގަނެ، ފާހަގަކުރަންޖެހޭނެ ޚިދުމަތްތަކެއްކަން ރައީސް ވަނީ ފާހަގަކުރައްވާފައެވެ. މި އިނާމް ދެއްވާނީ ދައުލަތައް 35 އަހަރަށްވުރެ ގިނަދުވަހު ޚިދުމަތް ކުރައްވާފައިވާ ބޭފުޅުންގެ ޚިދުމަތް، ކަނޑައެޅޭ މިންގަނޑުތަކެއްގެ މަތިން ބަލައި، އެ މިންގަނޑުތަކުގެ މައްޗަށް ރިޢާޔަތް ކުރުމަށްފަހުގައިކަމަށް ރައީސް ވަނީ ވިދާޅުވެފައެވެ.

advertisement
ރިއެކްޝަންސް
0
0
0
0
0
0
0