ރައްޔިތުން މަޖިލީހުގައި ވެކްސިން ޖެހުން އާންމުކޮށް ހުޅުވާލައިފި

މިއަދުން ފެށިގެން ރައްޔިތުންގެ މަޖިލީހުގެ އިދާރާގައި ވެކްސިން ދިނުން އާންމުކޮށް ހުޅުވާލައިފިއެވެ.

ރައްޔިތުންގެ މަޖިލީހުގެ އިދާރާގައި ވެކްސިން ޖެހުމުގެ ކަންކަން ކުރިއަށްގެންދަނީ އޭޑީކޭ ހޮސްޕިޓަލުންނެވެ. އެ ހޮސްޕިޓަލުން ބުނީ މިއަދުން ފެށިގެން އުމުރުން 30 އަހަރުން މަތީގެ ހުރިހާ ފަރާތްތަކަށްވެސް މަޖިލީހުގެ އިދާރާއަށް ގޮސް ވެކްސިން ޖެހުމުގެ ފުރުސަތު ހުޅުވާލާފައިވާ ކަމަށެވެ.

advertisement

މަޖިލީހުގެ އިދާރާގައި ވެކްސިން ޖެހުން މީގެކުރިން އޮތީ އެޗްޕީއޭއިން އޭޑީކޭއާ ހަވާލުކޮށްފައި އޮތް ލިސްޓުގައި ތިބޭ މީހުންނަށެވެ. އޭގެތެރޭގައި އެކިއެކި އޮފީސްތަކާއި ކުންފުނިތައް ހިމެނެއެވެ.

މަޖިލީހުގެ އިދާރާގައި ވެކްސިން ޖެހުން ކުރިއަށްދާނީ ހުކުރު ދުވަސް ފިޔަވައި ކޮންމެ ދުވަހަކު ހެނދުނު 9:00އިން މެންދުރު 12:00އާ ދެމެދުގަ އެވެ. އޭޑީކޭއާ ގުޅިގެން މަޖިލީހުގެ އިދާރާގައި ވެކްސިން ޖެހޭނެ އިންތިޒާމު އެޗްޕީއޭއިން ހަމަޖެއްސީ މި މަހުގެ 10ވަނަ ދުވަހުގަ އެވެ.

މާލޭގެ އިތުރުން އަތޮޅުތަކުގެ ގިނަ ރައްތަކެއްގައިވެސް މިހާރު ވަނީ ކޯވިޑް ވެކްސިން ޖެހުމުގެ އިންތިޒާމް ހަމަޖައްސާފައެވެ. އަދި ރާއްޖޭގެ އާބާދީގެ 85،000 އަށްވުރެ ގިނަ މީހުންނަށް ވެކްސިން ޖަހައި ރާއްޖެ މިހާރު ވަނީ ވެކްސިން ޖެހުމުގައި މުޅި ދުނިޔެއަށް ނަމޫނާ ދައްކާފައެވެ.