މާލެ ސަރަހައްދުގެ ގްރޭޑް 8 އިން ދަށުގެ ކްލާސްތައް 2 ހަފްތާއަށް އޮންލައިންކޮށް

މާލޭ ސިޓީގެ ޕްރީސްކޫލުން ފެށިގެން ގްރޭޑް 8 ދަރިވަރުންނަށް އޮންލައިންކޮށް ކިޔަވައިދޭން އެޑިއުކޭޝަން މިނިސްޓްރީއިން ނިންމައިފި އެވެ. އެޑިޔުކޭޝަން މިނިސްޓްރީން މިގޮތައް ނިންމާފައިވަނީ ކޯވިޑް19ގެ ކޭސްތައް މާލެ ސަރަހައްދުގައި ކޮންޓްރޯލްނުވާތީ އެޅި ރައްކާތެރިކަމުގެ ފިޔަވަޅެއްގެ ގޮތުންނެވެ.

އެގޮތުން ކުރިއަށް އޮތް ދެ ހަފްތާގެ މުއްދަތަށް މާލެ ސަރަހައްދުގެ އެލްކޭޖީން ފެށިގެން ގްރޭޑް އަށެއްގެ ދަރިވަރުންނަށް ކިޔަވައިދޭނީ އޮންލައިންކޮށްކަމަށް އެޑިޔުކޭޝަން މިނިސްޓްރީން ވިދާޅުވެއެވެ. އެގޮތަށް ނިންމީ މާލެ ސަރައްހަދުގައި ކޮވިޑް19ގެ ކޭސްތައް އިތުރުވަމުންދާތީވެ، މިހާރު އަޅާފައިވާ ފިޔަވަޅުތަކާއެކުވެސް ބަލި ފެތުރޭ މިންވަރަށް ބަދަލު އައިސްފައި ނުވާތީވެ، އެޗްޕީއޭގެ އެދުމުގެ މަތިން ކަމަށް މިނިސްޓްރީން ވަނީ ވިދާޅުވެފައެވެ.

advertisement

މިމަހު 15 ވަނަ ދުވަހުން މިދިޔަ ބުރާސްފަތި ދުވަހާ ހަމަށް ގްރޭޑް 1 އިން 6 ކިވައިދެމުން އައީވެސް އޮންލައިންކޮށެވެ.

މިއަހަރު ފެށުން ފަހުން މާލެ ސަރަހައްދުގައި ކޯވިޑްގެ ކޭސްތައް ފެންނަ މިންވަރު އަނެއްކާވެސް ވަނީ އިތުރުވާން ފަށާފައެވެ. އެގޮތުން ދުވާލެއްގެ މައްޗަށް ޕޮޒިޓިވްވާ މީހުންގެ އަދަދު މިހާރު އުޅެނީ 100 އިން މަތީގައެވެ. ފާއިތުވި 24 ގަދިއިރުގެ ތެރޭގައި ރާއްޖެއިން ކޯވިޑަށް 118 މީހަކު ވަނީ ޕޮޒިޓިވް ވެފައެވެ.