ހިޔާ ފްލެޓްތަކުގެ އެސްއެސް ރެއިލިންގެ މަސައްކަތް އެޗްޑީސީން މެރިނެޑޯއާއި ހަވާލުކޮށްފި

ހުޅުމާލޭ ފޭސް 2 ގައި އިމާރާތްކޮށްފައިވާ ހިޔާ ފްލެޓްތަކުގައި ހަރުކުރާ އެސްއެސް ރެއިލިންގެ މަސައްކަތް ދިވެހި ކުންފުންޏެއްކަމަށްވާ “މެރިނެޑޯ” އާއި ހަވާލުކޮށްފިއެވެ.
މެރިނެޑޯއިން ބުނީ ހުޅުމާލޭ ހިޔާ ފްލެޓްގެ 16 ޓަވަރުގެ ތެރެއިން 8 ޓަވަރުގައި އެސްއެސް ރެއިލިންގ ގެ މަސައްކަތް އެ ކުންފުނިން ފަށާފައިވާކަމަށެވެ. މިއިން ކޮންމެ ޓަވަރެއްގައި 25 ބުރި ހުރެއެވެ. އެ ކުންފުނިން އިތުރަށް ބުނީ އެޗްޑީސީއާއިއެކު ވެފައިވާ އެއްބަސްވުމުގައިވާގޮތައް އަންނަ އޭޕްރިލް މަހުގެ ނިޔަލަށް މަސައްކަތް ނިންމާލެވޭނެކަމަށެވެ.
“ކޯވިޑް19 ގެ ސަބަބުން މާލެ ސަރަހައްދުގައި އިއުލާންކޮށްފައިވާ ފިޔަވަޅުތަކާއިއެކުވެސް އެއްބަސްވުމުގައިވާ ތާރީހަށް މި މަސައްކަތް ނިންމާލެވޭނެ” މެރިންޑޯގެ އޮޕަރޭޝަން ޑައިރެކްޓަރ ބުންޏެވެ.
ހިޔާ ފްލެޓް މަޝްރޫއަކީ ރާއްޖޭގައި މިހާތަނަށް ބޯހިޔާވަހިކަމުގެ ޔަޤީންކަން ކަށަވަރުކުރުމަށް ހިންގާ އެންމެ ބިޔަ އެއް މަޝްރޫއުއެވެ.
މެރިނެޑޯ ކުންފުނީގެ މަސައްކަތްތައް ފަށާފައިވަނީ 2006 ވަނަ އަހަރުގެ ތެރޭގައެވެ. މި ކުންފުނި ޙާއްސަވެފައިވަނީ އިންޖީނިއަރިންގ މަސައްކަތްތަކާއި، އުޅަނދުފަހަރުގެ ފެބްރިކޭޝަން މަސައްކަތްތަކާއި، ވެލްޑިންގ ކުރުން ފަދަ މަސައްކަތްތަށް ކުރަމުން އަންނަ ދިވެހި ކުންފުންޔެކެވެ. ކުންފުނީގެ މަސައްކަތްތައް އިތުރު ދާއިރާތަކަށް ފުޅާކުރުމުގެ ގޮތުން މެރިނެޑޯއިން ދަނީ މީގެއިތުރުން ދަނގަޑު ހޮޅި، ފްރޭމް އަދި ރެއިލިން ފަދަ ތަކެތިވެސް އުފައްދަމުންނެވެ.

advertisement