އިންތިހާބުގައި ވޯޓުފޮށި ބެހެއްޓުމަށް 135 ރިސޯޓަކުން އެދިފައިވޭ – އީސީ

ލޯކަލް ކައުންސިލްތަކުގެ އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ އިންތިހާބުގައި 135 ރިސޯޓެއްގައި ވޯޓްފޮށި ބަހައްޓަން އެދިފައިވާ ކަމަށް އިލެކްޝަންސް ކޮމިޝަނުން ބުނެފި އެވެ.

އިލެކްޝަންސް ކޮމިޝަނުން ވިދާޅުވީ، ވޯޓުފޮށި ބަހައްޓަން އެދިފައިވާ ހުރިހައި ރިސޯޓެއްގައިވެސް ވޯޓުފޮށި ބަހައްޓާނެކަމަށެވެ. ކޮންމެ ރިސޯޓެއްގައިވެސް ބެހެއްޓުމަށް ހަމަޖެހިފައިވަނީ އެންމެ ވޯޓުފޮއްޓެކެވެ. މިހާތަނަށް 135 ރިސޯޓަކުން ވޯޓުފޮޑި ބަހައްޓަން އެދިފައިވީނަމަވެސް މިއަދަދު އަދި އިތުރުވުމަކީ އެކަށީގެންވާ ކަމެއްކަމަށް އިލެކްޝަނުން ވަނީ ބުނެފައެވެ.

advertisement

ރިސޯޓްތަކުގައި ވޯޓުފޮށި ބަހައްޓަން ބޭނުންވާނަމަ އެ ރިސޯޓަކުން އިލެކްޝަން ކޮމިޝަނަށް އެކަން އަންގަންޖެހެއެވެ. އިންތިހާބު ބޭއްވުމަށް މިހާރު ތާވަލްކޮށްފައިވަނީ އަންނަ އެޕްރީލްމަހުގެ 10 ވަނަ ދުވަހުއެވެ. އިންތިހާބަށް ވާންޖެހޭ އެންމެ ފަހުގެ ތައްޔާރީތައް މިހާރު އިލެކްޝަންސް ކޮމިޝަނުން އަންނަނީ ވަމުންނެވެ. އެ ކޮމިޝަނުން ވިދާޅުވެފައިވަނީ އެޗްޕީއޭގެ ގައިޑްލައިންއާއި އެއްގޮތައް އިންތިހާބު ބޭއްވުމަށް އަދި އިތުރަށް ފައިސާވެސް ބޭނުންވާކަމަށެވެ.