ރާއްޖޭގެ އާބާދީގެ %46 މީހުން ވެކްސިން ޖަހައިފި

މިހާތަނަށް ރާއްޖޭގެ އާބާދީގައި %46 މީހުންނަށް ކޮވިޑް19 އިން ރައްކާތެރިވުމަށް ވެކްސިން ޖަހާފައިވާކަމަށް ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން ބުނެފިއެވެ.

އިއްޔެއާއިހަމައަށް ރާއްޖެއިން 206،114 މީހުންނަށް ވަނީ ވެކްސިންގެ ފުރަތަމަ ޑޯޒް ޖަހާފައެވެ. އެޗްއީއޯސީގައި ބޭއްވި ނޫސްވެރިންގެ ބައްދަލުވުމެއްގައި އެ ސެންޓަރުގެ ތަރުޖަމާނު ޑރ. ނަޒްލާ ރަފީޤު ވިދާޅުވީ ރާއްޖޭގައި ތިބި ވެކްސިން ޖެހޭ އުމުރުފުރައިގެ 46 އިންސައްތަ މީހުން އިއްޔެއާއި ހަމަޔަށް ވެކްސިން ޖަހާފައިވާކަމަށެވެ.

advertisement

ރާއްޖޭގައި މިވަގުތު ޖަހަމުންދަނީ ކޮވިޝިލްޑް ވެކްސިނެވެ. މި ވެކްސިން ޖެހުމުގެ ހުއްދަ 18 އަހަރުން ދަށުގެ ކުޑަކުދިންނާއި، މާބަނޑު މީހުންނަކަށް އަދި ނުދެއެވެ. އެހެންކަމުން ރާއްޖޭގެ މުޅި އާބާދީއަށް ވެކްސިނެއް ނުޖެހޭނެއެވެ. ވެކްސިން ޖެހޭ އެންމެން ވެކްސިން ޖެހުމުގެ މުހިންމުކަން ޑޮކްޓަރުން އަންނަނީ ފާޅުކުރަމުންނެވެ.

ރާއްޖޭގެ ރަށްރަށުގައިވެސް ވެކްސިން ޖެހުމުގެ ކެންޕެއިން ދަނީ ކުރިޔަށް ގެންދަމުންނެވެ. ވެކްސިން ޖެހި މީހުންގެ ތަފާސްހިސާބައް ބަލާއިރު މާލެއިން 116،636 މީހުން އަދި ރަށްރަށުން 89،478 މީހުން މިހާތަނަށް ވަނީ ވެކްސިން ޖަހާފައެވެ.