ސިވިލް ސަރވިސް ވަޒީފާދޭ އުމުރު 60 އަށް މަތިކުރާ އިސްލާހެއް

ސިވިލް ސާވިސްގެ ވަޒީފާދޭ އުމުރު 60 އަށް މަތިކުރަން ގާނޫނަށް އިސްލާހު ގެނައުމަށް ރައްޔިތުންގެ މަޖިލީހަށް ހުށަހަޅައިފި އެވެ.

ސިވިލް ސާވިސްގެ ޤާނޫނަށް މި އިސްލާހު ގެނައުމަށް ރައްޔިތުންގެ މަޖިލީހަށް ހުށައެޅުއްވީ އައްޑޫ މީދޫ ދާއިރާގެ އެމްޑީޕީ މެމްބަރު ރޮޒައިނާ އާދަމެވެ. މި ޤާނޫނުގެ 41 ވަނަ މާއްދާއަށް ރޮޒައިނާ ހުށަހެޅުއްވި އިސްލާހުގައި ބުނަނީ، ވަޒީފާއަށް އެދި ހުށަހަޅާ ފަރާތަކީ، ވަޒީފާއިން މުސްކުޅިކޮށްފައިވާ ފަރާތަކަށް ވެގެންނުވާނެ ކަމަށެވެ. އަދި އުމުރުން 60 އަހަރަށްވުރެ ދޮށީ އުމުރުގެ މީހަކަށް ވެގެންނުވާނެ ކަމަށް ވެސް އެ އިސްލާހުގައިވެ އެވެ. ގާނޫނު މިހާރު އޮންނަ ގޮތުން ސިވިލްސާވިސްގެ ވަޒީފާދޭ އެންމެ މަތީ އުމުރަކީ 55 އަހަރެވެ.

advertisement

މި ޤަވައިދަށް ދެން ހުށައެޅި އިސްލާހުގައިވަނީ ސިވިލް ސާވިސް ކޮމިޝަންގެ މެމްބަރުކަމަށް މަދުވެގެން އަންހެން ދެ މެމްބަރުން އައްޔަން ކުރަން ލާޒިމް ކުރަންޖެހޭ ގޮތަށް ވަނީ ހުށައަޅާފައިވެއެވެ. ސިވިލް ސަރވިސް ކޮމިޝަންގައި ތިއްބަވަނީ ޖުމްލަ 5 މެންބަރުންނެވެ. މި އިސްލާހު ފާސްވި ނަމަވެސް، މިހާރު މެންމަބަރުކަމަށް އައްޔަންކޮށްފައިވާ މީހުންގެ މަގާމުން ވަކިނުވާނެ އެވެ. މިހާރު ތިބި މެމްބަރުން މާގާމުން ވަކިވަންދެން އެ މަގާމުގައި ދެމި ތިބޭނެ ކަމަށް އިސްލާހުގައި ވަނީ ބުނެފައެވެ.