ނޫސްވެރިކަމުގެ އިނާމަށް ނަން ހުށައެޅުމުގެ މުއްދަތު އިތުރުކޮށްފި

މޯލްޑިވްސް މީޑިއާ ކައުންސިލުންދޭ ނޫސްވެރިކަމުގެ އިނާމަށް ނަން ހުށަހެޅުމުގެ މުއްދަތު މިމަހުގެ 18 ވަނަ ދުވަހަށް އިތުރުކޮށްފި އެވެ. އެމްއެމްސީން ބުނީ ނޫސްވެރިކަމުގެ އިނާމަށް ނަން ހުށައެޅުމުގެ މުއްދަތު މިމަހުގެ 18 ވަނަ ދުވަހުގެ 1300 އާއި ހަމައަށް އިތުރުކޮށްފައިވާކަމަށެވެ. ކުރިން ނަން ހުށައެޅުމުގެ އެންމެ ފަހު ތާރީހެއްކަމަށް ކަނޑައަޅާފައިވަނީ މިމަހުގެ 16 ވާ އަންގާރަ ދުވަހުގެ މެންދުރުފަހު 14:00 ގެ ނިޔަލަށެވެ.

ނޫސްވެރިކަމުގެ އިނާމު ކޮންމެ އަހަރަކުވެސް އަންނަނީ ދެމުންނެވެ. މި އަހަރު ނޫސްވެރިކަމުގެ އިނާމް ދެނީ 12 ދާއިރާއަކުންނެވެ. މިއަހަރު އިނާމުދޭ ދާއިރާތަކަކީ:

advertisement

1. ތަހުގީގީ ނޫސްވެރިކަން (އިންވެސްޓިގޭޓިވް ޖާރނަލިޒަމް)
2. ދެމެހެއްޓެނިވި ތަރައްގީ އާއި އިޖުތިމާއީ
3. ސިޔާސީ
4. ޝަރުއީ އަދި ގާނޫނީ
5. ވިޔަފާރިއާއި އިގްތިސޯދު
6. ކުޅިވަރު
7. ފޮޓޯ ޖާރނަލިޒަމް
8. ވީޑިއޯ ޖާރނަލިޒަމް
9. އޯޑިއޯ ޖާރނަލިޒަމް
10. ނިއުސް ގްރެފިކްސް އާއި އިލެސްޓްރޭޝަންސް
11. ފީޗާ / ރިޕޯޓް
12. އެންމެ އުންމީދީ ނޫސްވެރިޔާ

ނިއުސް ގްރެފިކްސް އާއި އިލަސްޓްރޭޝަންސް އަދި އޯޑިއޯ ޖާނަލިޒަމްގެ ދާއިރާއަކީ މި އަހަރު މުޅިން އަލަށް އިނާމު ދިނުމަށް ނިންމާފައިވާ ދެ ދާއިރާ އެވެ.

މިއަހަރު ކޮންމެ ނޫސްވެރިއަކަށް ވެސް އެ މީހަކު ކުރިމަތިލާން ބޭނުން ދާއިރާއަކަށް ކުރިމަތިލުމުގެ ފުރުސަތު އޮންނާނެ އެވެ. މީގެ ކުރިން ނަމަ، ފީޗާ ދާއިރާ ފިޔަވާ ދެން ކުރިމަތިލެވޭނީ އެންމެ ދާއިރާއަކަށެވެ.