ކުޑަ ފިރެހެން ކުއްޖަކާއި ބެހުނު މައްސަލައެއްގައި 14 އަހަރުގެ ޖަލު ހުކުމެއް

ކުޑަ ފިރިހެން ކުއްޖަކަށް ޖިންސީ ގޯނާކުރި މައްސަލައެއް ސާބިތުވެ، 14އަހަރަށް ޖަލަށްލުމަށް މީހެއްގެ މައްޗަށް ހައިކޯޓުން ހުކުމްކޮށްފިއެވެ. ހުކުމްކޮށްފައިވަނީ އދ.ދިގުރަށު ކަނީރުވިލާ، ޢުމުރުން 50އަހަރުގެ ޙުސައިން ޔަހުޔާގެ މައްޗަށެވެ.

ކުޑަ ފިހެން ކުއްޖާއަށް ޖިންސީ ގޯނާކުރި މައްސަލައަކީ 2015ވަނަ އަހަރު ހިނގި ކަމެކެވެ. މި މައްސަލަ 2017ވަނަ އަހަރު އދ.ދިގުރަށު ކޯޓުންވަނީ ބަލާފައެވެ. ދިގުރަށު ކޯޓުން ނިންމީ 50އަހަރުގެ ޙުސައިން ޔަހުޔާގެ މައްޗަށް ކުށް ސާބިތު ނުވާކަމަށެވެ.

advertisement

ނަމަވެސް ސަރުކާރުގެ ފަރާތުން، ޕީޖީ ވަނީ މިމައްސަލަ ފަހުން ހައިކޯޓަށް ހުށައަޅާފައެވެ. ކުޑަކުއްޖަކާމެދު ޖިންސީ ޢަމަލެއް ހިންގިކަން ސާބިތުވެ ޔަހުޔާގެ މައްޗަށް ހުކުމްކުރީ، މައްސަލަ ބެއްލެވި 3 ފަނޑިޔާރުންގެ އިއްތިފާގުންނެވެ. މި މައްސަލަ ބެއްލެވީ ފަނޑިޔާރު އަލީ ސަމީރާއި ފަނޑިޔާރު ހަސަން ޝަފީޢާއި ފަނޑިޔާރު ހުސައިން މަޒީދެވެ.