ޚަބަރު

ކޯވިޑްގެ ހާލަތުގައިވެސް ކުޅިވަރުން އާމްދަނީ ހޯދާ ޒުވާނުންގެ އަޑު އަހަންޖެހޭ – މުއިއްޒު

24 މާޗް 2021 - 16:47

ކޯވިޑްގެ ދުވަސްވަރުގައިވެސް ކުޅިވަރުން އާމްދަނީ ހޯދާ ޒުވާނުންނަށް ކުޅިވަރު ކުޅެވޭނެ މަގު ސަރުކާރުން ފަހިކޮށްދޭންޖެހޭކަމަށް މާލެ ސިޓީ ކައުންސިލަށް ވާދަކުރައްވާ އިދިކޮޅު ޕީޕީއެމްގެ ކެނޑިޑޭޓް ޑރ.މުހައްމަދު މުއިއްޒު ވިދާޅުވެއްޖެއެވެ.

ކުޅިވަރު މުބާރާތްތަކަށް ހުއްދަ ދިނުމަށް ގޮވާލައި ޑރ.މުއިއްޒު ވިދާޅުވީ ރައްކާތެރިކަމުގެ ފިޔަވަޅު ތަކާއިއެކުވެސް އެތައްހާސް ޒުވާނުންނެއްގެ އަޑު މިސަރުކާރާއި ކަމާއި ގުޅުންހުރި އިދާރާތަކުން އަހަން ޖެހޭކަމަށެވެ. މުއިއްޒު ވިދާޅުވީ، ކޯވިޑާއި ގުޅިގެން އަޅަންޖެހޭ ރައްކާތެރިކަމުގެ ފިޔަވަޅުތަކާއިއެކު ފުޓުބޯޅައާއި އެހެނިހެން ކުޅިވަރު މުބާރާތްތައް ބޭއްވުމުގެ ފުރުސަތު ދެއްވުމަށް އެޗްޕީއޭ އަށާއި، ސަރުކާރާށް ގޮވާލާކަމަށެވެ. ފުޓުބޯޅައާއި އެހެން ކުޅިވަރުތަކުގައި ޝާމިލުވާ ޒުވާނުން މިހާރު ތިބީ މާޔޫސްވެފައިކަމަށް މުއިއްޒު ވިދާޅުވިއެވެ.

advertisement

ކޯވިޑް-19 އާއި ގުޅިގެން މާލެ ސަރަހައްދުގައި އަޅާފައިވާ ފިޔަވަޅުތަކުގެ ސަބަބުން ކުޅިވަރު ކުޅުންތެރިންނަށް ވަނީ ކުޅިވަރު ކުރުން މަނާވެފައެވެ. މިއާއިއެކު ކުޅިވަރު ކުޅެގެން އާމްދަނީ ހޯދާ އެތައް ޒުވާނުންނަކަށް އެމަގު ބަންދުގެ ކުޅިވަރު ކުރިއަށްގެންދާ ފަރާތްތަކަށް ދަނީ މާލީ ބޮޑެތި ގެއްލުންތަކެއް ވަމުންނެވެ.

ރިއެކްޝަންސް
0
0
0
0
0
0
0