ކުޅުދުއްފުށިން ޕޮޒިޓިވް ކޭސްތަކެއް ފެނި ރަށް މޮނިޓަރިންއަށް

ހދ. ކުޅުދުއްފުށި ރީޖަނަލް ހޮސްޕިޓަލުގައި އެޑްމިޓްކޮށްފައިއޮތް ބަލި މީހަކު ކޮވިޑް-19 އަށް ޕޮޒިޓިވްވުމާ ގުޅިގެން އެ ރަށް މޮނިޓަރިންއަށް ލައިފިއެވެ.

ކުޅުދުއްފުށިން 4 މީހަކުވަނީ ކޯވިޑަށް ޕޮޒިޓިވްވެފައެވެ. ޕޮޒިޓިވްވި ހަތަރު މީހުންނަކީވެސް ނައިފަރުން ކުޅުދުއްފުށްޓަށް ގޮސްފައިވާ މީހުން ކަމަށް މަޢުލޫމާތު ލިބެއެވެ. މީގެ ތެރެއިން ތިން މީހުންނަކީ ނައިފަރު ހޮސްޕިޓަލުން އިތުރު ފަރުވާއަށް ކުޅުދުއްފުށީ ހޮސްޕިޓަލަށް ބަދަލު ކުރި މީހަކާއި އޭނާގެ ދެއެހީތެރިންނެވެ. ޕޮޒިޓިވްވި މީހުންގެ ތެރެއިން 3 މީހުންވަނީ ކުޅުދުއްފުށީ ކަރަންޓީން ފެސިލިޓީއަށް ބަދަލުކޮށްފައެވެ. އަދި އަނެއްމީހާ ހުރީ ގެއެއްގައި ކަރަންޓީން ކޮށްފައެވެ.

advertisement

ކުޅުދުއްފުށިން ކޯވިޑުގެ ޕޮޒިޓިވް ކޭސްތަކެއް ފެނުމާ ގުޅިގެން ކޮންޓެކްޓް ޓްރޭސިން ހަދަމުން އަންނަ ކަމަށާއި މިމީހުންނާ ގުޅުން ހުރި 3 ގެއަކުން 20 މީހަކު ކަރަންޓީންކޮށްފައިވާ ކަމަށްވެސް މަޢުލޫމާތުލިބެއެވެ.

ކޮވިޑަށް މީހުން ޕޮޒިޓިވްވެގެން މީގެ ކުރިން ވެސް ދެ ފަހަރަކު ކުޅުދުއްފުށި މޮނިޓަރިން އަށް ލި އެވެ.

ކުޅުދުއްފުށީ ހޮސްޕިޓަލުން މިރޭ ވަނީ މި މަހު 21ގެ ފަހުން ހޮސްޕިޓަލަށް ޒިޔާރަތްކޮށްފައިވާ މީހުން އެކަން އެންގުމަށާއި ރަށުގައި އެންމެން ވެސް މާސްކު އަޅައި ރައްކާތެރިކަމުގެ ފިޔަވަޅުތަކާ އެކު އުޅެން އަންގައިފަ އެވެ.