މަހުގެ އިތުރު އުފެއްދުންތައް އުފެއްދުމަށް މިދަނީ މަސައްކަތް ކުރަމުން – މިނިސްޓަރ ޒަހާ

މަހުގެ އިތުރު އުފެއްދުންތައް އުފެއްދުމަށް ނުވަތަ ވެލިއު އެޑްކުރުމުގެ އިތުރު ވިޔަފާރިތައް ރާއްޖެއަށް ގެނައުމަށް މަސައްކަތްކުރަމުންދާކަމަށް މިނިސްޓަރ އޮފް ފިޝަރީޒް މެރިން ރިސޯސަސް ޒަހާ ވަޙީދު ވިދާޅުވެއްޖެއެވެ. މިނިސްޓަރ މިހެން ވިދާޅުވީ، ރައްޔިތުންގެ މަޖްލީހުގެ އިޤްތިސާދީ ކޮމެޓީގައި ވާހަކަދައްކަވަމުންނެވެ.

ފިޝަރީޒް މިނިސްޓަރ ޒަހާ ވިދާޅުވީ މަސްވެރިކަމުގެ ސިނާއަތް ރާއްޖޭގައި ފުޅާކޮށް ތަރައްޤީކުރުމަށް ގިނަ މަސައްކަތްތަކެއް ކުރަމުންދާ ކަމަށެވެ. މިނިސްޓަރ ޒަހާ ވިދާޅުވީ، މިވަގުތު ފައިސާ ހުރީ ހަމައެކަނި މަސް ގަނެވޭނެ ފެސިލިޓީ ހެދުމަށްކަމަށެވެ. ނަމަވެސް މަހަށް ވެލިއު އެޑްކޮށްގެން ކުރެވޭނެ ގޮތްތަށް ހޯދުމަށް ތަފާތު ފަރާތްތަކާއި އެކީ މަޝްވަރާ ކުރަމުންދާކަމަށެވެ. އެގޮތުން ދަޅު މަސް އަދި ޕައުޖް ނޫން އެހެން ސިނާއަތަށް ގެންނަން މަސައްކަތްކުރަމުންދާކަމަށް މިނިސްޓަރ ޒަހާ ވިދާޅުވިއެވެ.

advertisement

މިނިސްޓަރ ޒަހާ ވިދާޅުވީ މިފަދަ ވިޔަފާރިތަކާއެކު ވަޒީފާގެ ގިނަ ފުރުސަތުތަކެއް އުފެދިގެންދާނެ ކަމަށެވެ. އަދި މިފަދަ ތަންތަން ރައްޔިތުންނާއި ގާތުން ޤައިމްވެގެން ދިޔުންވެސް މުޙިއްމުކަން މިނިސްޓަރ ފާހަގަކުރެއްވިއެވެ.

ސަރުކާރުން ވަނީ މަސްވެރިންނަށް ފަސޭހައިން އައިސް ލިބޭނެ އިންތިޒާމް ހަމަޖެއްސުމުގެ ގޮތުން އިތުރު އައިސްޕްލާންޓްތައްވެސް ހެދުމުގެ މަސައްކަތް ކުރަމުންނެވެ. އެގޮތުން މިއަހަރު އިތުރު 13 ރަށެއްގައި އައިސްޕްލާންޓް އެޅިގެންދާނެކަމަށް ފިޝަރީޒް މިނިސްޓްރީން ވިދާޅުވެއެވެ.