ރިޕޯޓު – ކައުންސިލް އިންތިހާބް: އަންހެނުންނަށް ތާރީޚީ ފުރުސަތުތަކެއް

ދިވެހިރާއްޖޭގެ އިޤްތިސާދީ އިޖްތިމާއި އަދި ސިޔާސީ މައިދާނުގައިވެސް އަންހެނުންނަކީ މުހިންމު ރޯލެއް އަދާކުރާ ބައެކެވެ. ޤައުމު ހިންގުމުގައި ހުންގާނުގައި އަންހެނުންގެ ދައުރު އެހާމެ ބޮޑެވެ. އާއިލާބެލުމުގެ ޒިންމާއިން ކުރިޔަށް އޮތް ޖީލްތައް ބިނާކުރުމާއި، އިޤްތިސާދު ބިނާކުރުމަށްޓަކައި ސިޔާސީ އަދި ޕްރައިވެޓް ސެކްޓަރގައިވެސް އަންހެނުން އަދާކުރަނީ ވަރަށްވެސް މުހިންމު ރޯލެކެވެ. ތާރީހަށް ބަލާނަމަވެސް ދިވެހި އަންހެން ކަނބަލުން ނަކީ ކަށިން ހިއްވަރު ނަގާ، ބުރަ މަސައްކަތް ކުރާ ބައެކެވެ. އިހުޒަމާނުގައި ގޯތި ގެދޮރު ބިނާކުރުމަށް ބޭނުންކުރި ފަން އަދި ރޯނު ވެށުމުގެ މަސައްކަތުން ފެށިގެން، މަސްވެރިން މަހުން ލަފައިގެން ގެންނަ މަސް ލޮނުލާ، ތައްޔާރުކުރުމުގައި ވިޔަސް، އަންހެނުން .އަދާކުރަމުންދިޔައީ ޤައުމުގެ އިޤްތިސާދީ އިޖްތިމާއީ ފޭރާން ނެގެހެއްޓުމުގެ މުހިންމު ރޯލެކެވެ

އަންހެނުންނަށް ހަމަހަމަ ފުރުސަތުތަކެއް ނުލިބޭނަމަ ތަރައްޤީގެ ހަރުފަތުގައި ދިވެހިރާއްޖެ ކުރިއެރުމަށް ކުރާ މަސައްކަތް ކާމިޔާބު ނުވާނެއެވެ. ދިވެހި ކަނބަލުންނަކީ ޤައުމުގައި މިހާރުވެސް ތަފާތު ދައްކަމުންދާ ބަޔެކެވެ. ރާއްޖޭގައި އަންހެނަކަށްވީތީ މަސައްކަތް ނުކުރެވޭ ވަކި ދާއިރާއެއް ނެތެވެ. މިގޮތުން ކެބިނެޓާއި، މަޖުލީސް، މިނިސްޓްރީތަކާއި ސަރުކަރާއި އަމިއްލަ މުއައްސަސާތަކާއި، ޖަމިއްޔާ ޖަމައަތްތަކާއި، އަސްކަރިއްޔާއާއި، ސިފައިންގެ ގޮތުގައި ގިން އަންހެން ކަނބަލުން އެބަތިއްބެވެ. ސިއްހީ ދާއިރާއާއި، ތައުލީމީ ދާއިރާގައިވެސް ގިނައީ އަންހެން ކަނބަލުންނެވެ. ނަމަވެސް ސިޔާސަތްތައް ކަނޑައަޅާ ފެންވަރުގެ ވަޒީފާތަކުގައި ނިސްބަތުން އަންހެން ކަނބަލުން އަދިވެސް މަދެވެ. ފުރުސަތު ނެތުމަށްވުރެ މީގައި މައްސަލައަކީ މުޖުތަމައުގައި ކަންތައްތައް ބައްޓަން ވެފައިވާ ގޮތްކަމަށްވެސް ވެދާނެއެވެ. އާއިލީ ޒިންމާ ނެގަމުން އަންހެނުންނަށް ފުރުސަތު ލިބުނަސް އެފުރުސަތުތަކުގެ ބޭނުން ހިފުމުގައި ގޮންޖެހުންތައް .ބޮޑީއެވެ

advertisement

މިކަންތައްތައް ހައްލުކުރުމަށް ސަރުކާރުގެ ތެރެއިން ޤާނޫނީ އަދި އެހެނިހެން ގޮތް ގޮތުން ބަދަލްތައް ދަނީ ގެންނަމުންނެވެ. މިސަރުކާރުން ރާއްޖޭގެ އަންހެން ކަނބަލުންނަށް ފުރުސަތުތައް ފަހިކޮށްދިނުމުގައިވެސް ދަނީ މުހިންމު މަސައްކަތްތަކެއް ކުރަމުންނެވެ. މިގޮތުން މިސަރުކާރުން ލާމަރުކަޒީ ޤާނޫނަށް ގެނައި އިސްލާހަކީ އަންހެނުން ބާރުވެރިކުރުވުމުގައި ލިބުނު ކުރިއެރުމެކެވެ. މީގެތެރޭގައި ކައުންސިލްތަކުގެ ގޮނޑީގެ 33 އިންސައްތަ އަންހެން ކަނބަލުންނަށް ހާޢްސަކުރުމަށް މިސަރުކާރުން ވަނީ ނިންމާފައެވެ. އަންހެނުންނަށް ޤައުމު ހިންގުމުގައި މުހިންމު .ރޯލެއް ކުޅެން ލިބުނު ބޮޑު ފުރުސަތެކެވެ

ރާއްޖޭގެ ކައުންސިލްތަކުގައި މިހާރު އެކި މަޤާމުތަކުގައި ތިބި އަންހެނުންގެ އަދަދު ނިސްބަތުން މަދެވެ. މިގޮތުން މިހާރު ތިބި ކައުންސިލްތަކުގައި ތިބީ އަތޮޅު ކައުންސިލެއްގައި 1، ރަށު ކައުންސިލްތަކުގައި 32 އަދި ސިޓީ ކައުންސިލްތަކުގައި 4 އަންހެން ކަނބަލުންނެވެ. ކައުންސިލްތަކުގެ 563 މަޤާމު އޮތް އިރު މީގައި މިހިމެނެނީ އެންމެ 37 އަންހެން ކަނބަލުންނެވެ. އެއީ 179 ރަށު ކައުންސިލް، 67 އަތޮޅު ކައުންސިލް އަދި 23 ސިޓީ ކައުންސިލަރުންނެވެ. ފަހަރުގައި އޭރު އޮތް ފުރުސަތުތައް މަދީކަމަށްވިޔަސް، މިއަދު މިވަނީ މިކަން ބަދަލުކޮށް، ސަރުކާރުން އަންހެނުން ބާރުވެރިކޮށް، ޤައުމު ހިންގުމާއި ގުޅޭ މުހިންމު ހަރުފަތެއްގައި އަންހެނުން އުޅުމަށް ފަރުސަތު .ދީފައެވެ

މިފަހަރުގެ ލޯކަލް ކައުންސިލްތަކަށް 983 އަދި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިހާބުގައި 930 ކެންޑިޑޭޓުން ހޮވުމަށް ވަނީ ހަމަޖެހިފައެވެ. އެލެންޝަން ކޮމިޝަންގެ ތަފާސް ހިސާބުތަކަށް ރިއާޔަތްކޮށް، ލޯންކަލް ގަވަރމަންޓް އޮތޯރިޓީއިން މައުލޫމާތުދޭ ގޮތުގައި މީގެތެރެއިން ލޯކަލް ކައުންސިލްގެ ގޮނޑިތަކަށް ޖުމްލަ 2236 ކެންޑިޑޭޓުން ވާދަކުރާއިރު މީގެތެރޭގައި ހިމެނެނީ 1403 ފިރިހެނުންނާއި، 833 އަންހެނުންނެވެ. އަދި އަންހެނުންގެ .ތަރައްޤީއަށް މަސައްކަތް ކުރާ ކޮމިޓީތަކަށް 1580 ފަރާތެއް ވާދަކުރެއެވެ

ލާމަރުކަޒީ ޤާނޫނުގެ ދަށުން ރަށްރަށާއި، އަތޮޅު އަދި ސިޓީ ކައުންސިލްތަކަކީ މުހިންމު ޒިންމާއެއް އަދާކުރެއެވެ. މިއީ ވަކި ވަކި މުޖުތަމައުތައް ބިނާކޮށް، ބައްޓަންކޮށް، އެކި ސަރަހައްދުތައް އިޖްތިމާއީ އިގްތިސާދީގޮތުން ބާރުވެރި ކުރުވުމުގެ .މުހިންމު ޒިންމާ ނަގާ ސަރުކާރަށް ވާގިވެރިވާ ތަނބުތަކެވެ

ނަމަވެސް ވަރަށް ފަހާޖެހެންދެން ލޯކަލް ގަވަރނަންސްގައި ދިވެހި އަންހެނުންގެ ހިއްސާ ކުޑަވުމަކީ ލޯކަލް ގަވަރމަންޓް އޮތޯރިޓީއިންވެސް އެކަމާއި ކަންބޮޑުވާ ކަމެކެވެ. މިކަން ހައްލުކުރުމުގެ ގޮތުން ލޯކަލް ގަވަރމަންޓް އޮތޯރިޓީއިން ވަނީ އެކި ލެވެލްގައި މަސައްކަތް ކުރަން ފަށާފައެވެ. އެލްޖީއޭގެ ކުރިޔަށް އޮތް ތިން އަހަރުގެ ސްޓްރެޓީޖިކް އެކްޝަން ޕްލޭންގެ ދަށުން އިގްތިސަދީ، އިޖްތިމާއީ އަދި ސިޔާސީ ރޮގުން އަންހެނުން ބާރުވެރިކުރުވުމަށް ރޭވިގެން ގިނަ މަސައްކަތްތަކެއް ކުރުމަށް ވަނީ ނިންމާފައެވެ. މިމަސައްކަތްތަކުގެ ތެރޭގައި އަންހެނުން ކުރިއެރުވުމަށް މަސައްކަތް ކުރާ ކޮމިޓީތަކުގެ ތެރެއިން ގެވެށި އަދި އެހެނިހެން އަނިޔާއާއި ލިބޭ އަންހެނުންގެ މައްސަލަތައް ރިޕޯޓްކުރާނެ ހާއްސަ މެކޭނިޒަމެއް ޤާއިމްކުރުމަށް ވަނީ ރޭވިފައެވެ. މީގެއިތުރުން ވަކިވަކި މުޖުތަމައުތަކުގައި އުޅޭ އަންހެނުން ބާރުވެރިކުރުވުމާއި، ޕޮލިސީ ލެވެލްގައި ހަރަކާތްތެރިވުމަށް އެމީހުންނަށް ފުރުސަތު ފަހިކޮށްދިނުމުގެ ގޮތުން ޓްރެއިނިންދީ، ބޭނުންވާ އެހީތެރިކަން ފޯރުކޮށްދިނުމަށް ހަމަޖެހިފައިވެއެވެ.

އަދި އަންހެނުންގެ ރޯލާއިމެދު މުޖުތަމައުގައި އުފެދިފައިވާ ކުންހީތައް ބަދަލުކޮށް، ހަމަހަމަކަން އިތުރުކުރުމަށް ހޭލުންތެރިކުރުވުމަށް ހާޢްސަ ޕްރޮގްރާމްތައް ހިންގުމާއި، މިނިސްޓްރީއާއި ގުޅިގެން ޓެކްނިކަލް ތަމްރީން ހިންގުމުގެ މަސައްކަތް ކުރާނެކަމަށް އެލްޖީއޭއިން މައުލޫމާތުދެއެވެ. ރަށްރަށާއި، އަތޮޅުތަކުގައި ވިޔަފާރި ކުރާ އަންހެން ކަނބަލުންނަށް އެހީތެރިވުމުގެ ގޮތުން ސްކީމްތަކާއި ފަންޑުތައް ފޯރުކޮށްދިނުމަށް ކުރިޔަށް އޮތް ތިން އަހަރު ތެރޭގައި ހާޢްސަ މަސައްކަތްތަކެއް ކަމާބެހޭ ފަރާތްތަކާއި ގުޅިގެން ކުރުއްވާނެކަމަށް އެލްޖީއޭއިން މައުލޫމާތުދެއެވެ. އަދި ހާއްސަ ގޮތެއްގައި އަންހެނުންނާއި ގުޅުން ހުރި އެކި ޑާޓާ، އާއި ތަފާސް ހިސާބުތައް ބަލަހައްޓާ އެއްކުރުމަށް ހާއްސަ ސަމާލުކަމެއް ދޭނެކަމަށް އެލްޖީއޭއިން ވިދާޅުވެއެވެ. މިހާރުވެސް އެލްޖީއޭއިން އަންހެނުން ކުރިއަރުވާ ކޮމިޓީތަކާއި ކަމާއިބެހޭ އިދާރާތައް މެދުވެރިކޮށް އެކި ކަހަލަ ޓްރެއިނިންތަކާއި، ހޭލުންތެރިކުރުވުމުގެ ޕްރޮގްރާމްތަކާއި، ގިނަ .މަސައްކަތްތަކެއް ދަނީ ކުރަމުންނެވެ

އުންމީދަކީ އާންމު މުޖުތަމައުގެ ތެރެއިން ވޯޓު ލުމުގެ ހައްޤުލިބިފައިވާ ފަރާތްތަކުން ލޯކަލް ކައުންސިލްގެ ގޮނޑިތަކަށް ކުރިމަތިލާފައިވާ އަންހެން ކަނބަލުންނަށް އިތުބާރުކޮށް ފުރުސަތު ދޭނެކަމަށެވެ. މިހާރު މިއޮތީ ސަރުކާރުން އަންހެން ކަނބަލުން ބާރުވެރިކުރުވުމަށް މިފަދަ މަޤާމުތަކަށް އަންހެނުން ކުރިމަތިލުމަށް ވަރަށް ފުޅާ ދާއިރާއެއްގައި ފުރުސަތު ފަހިކޮށްދީފައެވެ. ދެން އޮތީ އަޅުގަނޑުމެން އެންމެންގެ ފަރުދީ ޒިންމާއެވެ. މުޖުތަމައުގައި އަންހެން ކަނބަލުންނަކީ ކެރޭ، މަސައްކަތް ކުރެވޭ ބައެއްކަން ބަލައިގަންނަންޖެހެއެވެ. ދިވެހި އަންހެން ދަރިންނަކީ ކަމަކަށް ކުރިމަތި ލައިފިއްޔާ، އެކަމެއްގައި އެންމެ ކުރީ ސަފުގައި ފައިތިލަ ސާބިތުކޮށް، ގިނަ ޒިންމާތަކެއް އެއްފަހަރާ އަދާކުރުމުގެ ކުޅަދާނަކަން ލިބިގެންވާ ބައެއްކަން ޒަމާނުއްސުރެން ދަނީ ސާބިތުކޮށްދެމުންނެވެ

އެއްޒަމާނެއްގައި ރާއްޖޭގައި އަންހެނުންނަށް މިފަދަ ފުރުސަތުތައް އޮތީ ވަރަށް ހަނިކޮށެވެ. ނަމަވެސް މިހާރު ޒަމާން ބަދަލުވެ، މަންޒަރު މިވަނީ ބަދަލުވެފައެވެ. ކޮންމެ ދާއިރާއެއްގައިވެސް އަންހެނުންނަށް ކުރިޔަށް ދިއުމުގެ ފުރުސަތު އެބައޮތެވެ. ނަމަވެސް މިކަން ކުރުމުގައި އަންހެނުންނަށް ހުރި ދަތިތަކަކީ މުޖުތަމައުގެ ވިސްނުން އަދި އާދަކާދަތައް ބަދަލްގެނަން ޖެހެއެވެ. އާއިލާގެ ޒިންމާއާއި ދަރިން ބެލުމަކީ އަންހެނުން އެކަނިމާއެކަނި ކުރަންޖެހޭ ކަމެއްގެ ގޮތުގައި އޮތް އޮތުން ބަދަލްކުރަންއެބަޖެހެއެވެ. އޮފީސް މާހަލުގައި އަންހެނުންނަށް އާއިލާއާއި ދަރިންގެ ޒިންމާ ނަގާކަން .ވިސްނާ، އުސޫލުތައް ބައްޓަން ކުރަންޖެއެވެ

ދެރައީ އަދިވެސް އަންހެނުންނަކީ އާއިލާ އާއި ދަރިން ބެލުމުގެ ޒިންމާ ނަގަމުން އިތުރު ޒިންމާއެއް އުފުލުމުގެ ޤާބިލްކަން އޮތް ބައެއްކަން ބައެއް ފަރާތްތަކުން ޤަބޫލުނުކުރާތީއެވެ. ނަމަވެސް ހަޤީޤަތަކީ އެންމެ އިހު ޒަމާނުއްސުރެން ދިވެހި އަންހެނުންނަކީ އާންމު ދިރިއުޅުމާއި، އިގްތިސާދީ، އިޖްތިމާއި އަދި ސިޔާސީ މައިދާނުގައިވެސް ކުރިއެރުންތައް ހޯދާ .މުހިންމު މަސައްކަތްތަކެއް ކުރާ ބައެއް ކަމެވެ

ރާއްޖޭގައި އަންހެނުން މަސައްކަތް ނުކުރާ ދާއިރާއެއް މަދުވާނެއެވެ. ތައުލީމީ، ސިއްހީ ދާއިރާގައި ފެށުނީއްސުރެން ގިނައީ އަންހެނުންނެވެ. އަންހެން ކެބިނެޓް މިނިސްޓަރުންނާއި، މަޖުލިސް މެންބަރުންގެ ގޮތުގައި ވަރަށް ކުޅަދާނަ އަންހެން ކަނބަލުން އެބަތިއްބެވެ. ސަރުކާރު އިދާރާތަކާއި، ކުންފުނިތައް، ޖުޑީޝަރީއާއި، ބައިނަލްއަޤްވާމީ ޖަމިއްޔާ ޖަމައަތްތަކާއި އެންބެސީތަކުގައި ފާހަގަކޮށްލެވޭ އަންހެން ކަނބަލުން ދަނީ ފައިތިލަ ސާބިތުކުރަމުންނެވެ. ޕްރައިވެޓް ސެކްޓަރުގައިވެސް ދިވެހި އަންހެނުން ދަނީ ގިނަ ކުރިއެރުންތަކެއް ހޯދަމުންނެވެ. ރާއްޖޭގެ އިޤްތިސާދުގެ މައި ދާއިރާތައްކަމަށްވާ ފަތުރުވެރިކަމާއި، މަސްވެރިކަން އަދި ދަނޑުވެރިކަމުގެ ދާއިރާގައިވެސް ދިވެހި އަންހެނުން ދަނީ ކުރިއެރުންތައް ހޯދަމުންނެވެ. ހަމައެކަނި ޤައުމީ ފެންވަރެއްގައި ނޫނެވެ، ބައިނަލްއަޤްވާމީ ފެންވަރުގައިވެސް މި ކުޑަކުޑަ .ރާއްޖޭގެ އަންހެން ކަނބަލުން ދަނީ ފަހުރުވެރިވާފަދަ މުހިންމު ކާމިޔާބީތަކެއް ހޯދަމުންނެވެ

ޤައުމުގެ އާބަދީގެ 51 އިންސައްތަ ހިއްސާ ކުރާ އަންހެނުންގެ ޝާމިލްވުމާއި ނުލައި ޤައުމު ތަރައްޤީކޮށް، އިގްތިސާދީ އިޖްތިމާއި ކުރިއެރުން ހޯދަން ދަތިވާނެއެވެ. އަދި އދ ގެ ދެމެހެއްޓެނިވި ތަރައްޤީގެ ދަނޑުދަޑިތައް ހާސިލްކޮށް، މިއީ ކުރިއަރަމުން އަންނަ ޤައުމުތަކުގެ ކުރީ ސަފުގައިވާ ޤައުމަކަށް ހެދޭނީވެސް އަންހެން ކަނބަލުންނަށް ފިރިހެނުންނެކޭ އެއް ސަފުގައި މަސައްކަތް ކުރުމަށް މިހާރު އޮތް ފުރުސަތުތައް އިތުރަށް ފުޅާކޮށްގެނެވެ. ހުދު އަންހެން ކަނބަލުންވެސް ފަސް ނުޖެހި، ލިބޭ ފުރުސަތުގެ ބޭނުންކުރައްވާށެވެ. ހުރި ދަތިތައް ހައްލުކުރުމަށް ކަމާބެހޭ ފަރާތްތަކަށް އެދި، އެކި ދާއިރާތަކުގެ އެހީތެރިކަމާއި އެކު ލިބެން ހުރި ފުރުސަތުތަކުގެ ބޭނުން ހިފުމަށް މަސައްކަތް ކުރަމާތޯއެވެ.