ސަރުކާރުން 200 މިލިއަން ޑޮލަރުގެ ސުކޫކް ވިއްކަނީ

ސަރުކާރުން 200 މިލިއަން ޑޮލަރު (ތިން ބިލިއަން ރުފިޔާ) ގެ ސުކޫކު ވިއްކުމަށް ތައްޔާރު ވެއްޖެއެވެ.

ބައިނަލްއަގްވާމީ ނިއުސް އެޖެންސީ ރޮއިޓާސްގައި ރިޕޯޓް ކޮށްފައިވާ ގޮތުން ޔޫއެސް ޑޮލަރުގެ މި ސުކޫކު ވިއްކައިލަނީ ފަސް އަހަރަށް 10.5 ޕަސެންޓުގެ އީލްޑް ޜޭޓުންނެވެ. މި ސުކޫކު މުއާމަލާތު ކުރިއަށް ގެންދަނީ ކްރެޑިޓް ސުއިޒް އާއި އެމިރޭޓްސް އެންބީޑީ ކެޕިޓަލް އާއި އެސްއެސްބީސީ އާއި އިސްލާމިކް ކޯޕަރޭޝަން ފޯ ދަ ޑިވަލޮޕްމެންޓް އޮފް ޕްރައިވެޓް ސެކްޓާ (އައިސީޑީ) މެދުވެރިވެގެންނެވެ. މި ސްކޫކަށް ރޭޓިން އޭޖެންސީ މޫޑީސް އިން ދާދި ފަހުން ވަނީ ބީ3 ގެ ރޭޓިން ވެސް ދީފަ އެވެ.

advertisement

މި ސްކޫކް އަންނަ މަހު ވިއްކައިފިނަމަ މިކަން ވެގެން ދާނީ ރާއްޖޭން ފުރަތަމަ ފަހަރަށް އިސްކާމިކް ފައިނޭންޝަލް އިންޓްރޫމަންޓެއް ވިއްކާ ފުރަތަމަ ފަހަރަށެވެ. ރާއްޖޭގެ 2017 ވަނަ އަހަރު ރައީސް އަބްދުﷲ ޔާމީންގެ ވެރިކަމުގައި 150 މިލިއަން ޑޮލަރުގެ ސޮވެރިން ބޮންޑެއް ބޭރުގައި ވިއްކި އެވެ.
ސަރުކާރުން މީގެ ކުރިން ވަނީ ބޭރުގެ ފަރާތްތަކަށް 300 މިލިއަން ޑޮލަރުގެ ސުކޫކު ވިއްކުމަށްޓަކައި ދަރުމަވަންތަ ހޮސްޕިޓަލް ރަހުނުކޮށް ނުވަތަ ރަޖިސްޓްރީ ކޮށްފަ އެވެ. މި މުއާމަތް ކުރިއަށް ގެންދަނީ އައިސީޑީއާ ގުޅިގެންނެވެ. ނަމަވެސް ސަރުކާރުން ވަނީ ދަރުމަވަންތަ ހޮސްޕިޓަލް ރަހުނު ނުކުރާނެ ކަމަށް ބުނެފަ އެވެ.