ފެނަކަ ފެން މީޓަރަށް ނަގަމުންދިޔަ ފީ މައާފްކޮށްދީފި

ފެނަކަ ކޯޕަރޭޝަނުގެ ފެން މީޓަރަށް ނަގަމުންދިޔަ 30 ރުފިޔާ ގެ ފީ އެކުންފުނިން މާފުކޮށްދީފައިވާކަމަށް އެ ކުންފުނީގެ މެނޭޖިން ޑިރެކްޓަރު އަހުމަދު ސައީދު ވިދާޅުވެއްޖެއެވެ.

އޭނާ މިހެން ވިދާޅުވީ، އައްޑޫގެ އަވަށްތަކުގައި ނަރުދަމާ ނިޒާމު ނިންމައި އެ މަޝްރޫ ހިންގައި ބެލެހެއްޓުން ފެނަކައާ ހަވާލުކުރަން ފޭދޫގައި ބޭއްވި ރަސްމިއްޔާތުގައެވެ.

advertisement

ފެނަކައިގެ އެމްޑީ ސައީދު ވިދާޅުވީ، ސަޕްލައި ފެން މީޓަރުން ނަގާ 30ރ. ކަސްޓަމަރުންނަށް މާފުކޮށް ދެއްވުމަކީ ރައީސް އިބްރާހީމް މުހައްމަދު ސޯލިހްގެ ނިންމެވުމަށް ކަމަށެވެ. އަދި ފެނަކައިން އަބަދުވެސް މަސައްކަތް ކުރަނީ، ރައްޔިތުނަށް ލުއިފަސޭހަ ގޮއްތަށް ހޯދައި ދިނުމަށްކަމަށެވެ.

”ފެނުގެ ނިޒާމު ގުޅުމާއެކު، މީޓަރަށް ނަގަމުން އައި ތިރީސް ރުފިޔާ ރައީސް މިއަދު ވަނީ ފެނަކަ ހުރިހާ ކަސްޓަމަރުންގެ އަތުން ނެގުން ހުއްޓާލަން ނިންމައި އެކަން މާފުކޮށްދެއްވާފައި،“ ސައީދު ވިދާޅުވިއެވެ.

އައްޑޫގެ ގުޅިފައިވާ އަވަށްތަކުގެ ފެނުގެ ނިޒާމު އޮތީ އިތުރަށް އަޕްގްރޭޑް ކުރަން ޖެހިފައިކަމަށް ފެނަކައިން ބުނެއެވެ. އެގޮތުން އަވަށްތަކުގެ 1،280 ޓަނުގެ ކެޕޭސިޓީ 14،000 ޓަނަށް ބަދަލުކުރެވޭނެ ކަމަށް އެ ކުންފުނިން ވަނީ ހާމަކޮށްފައެވެ.