ސަރުކާރުގެ ސިޔާސަތަކީ ރާއްޖެއަށް އެންމެ ބޭނުން ދާއިރާތަކުން މީހުން ބިނާކުރުން – ނައިބު ރައީސް

ސަރުކާރުގެ ސިޔާސަތަކީ ރާއްޖެއަށް އެންމެ ބޭނުން ދާއިރާތަކުން މީހުން ބިނާކުރުން ކަމަށް ނައިބު ރައީސް ފައިސަލް ނަސީމް ވިދާޅުވެއްޖެ އެވެ.

ނައިބު ރައީސް މިހެން ވިދާޅުވީ، ޑިޕްލޮމާ އިން ރޭޑިއޯގްރަފީ ކޯސް އިފްތިތާހު ކުރުމަށް ބޭއްވި ރަސްމިއްޔާތު ޝަރަފުވެރިކޮށްދެއްވާ ވާހަކަ ދައްކަވަމުންނެވެ. ޒުވާނުންނަކީ ގައުމުގެ ހުރިހާ ދާއިރާތަކުން، ގައުމު ކުރިއެރުވުމަށްޓަކައި މަސައްކަތް ކުރެވޭނެ ފަދަ ގާބިލު ބަޔަކަށް ހެދުމަކީ ސަރުކާރުގެ އަމާޒެއް ކަމަށް ނައިބު ރައީސް ވަނީ ވިދާޅުވެފައެވެ.

advertisement

ޓެކްނިކަލް ދާއިރާތަކުން ގައުމަށް ބޭނުންވާ ޒުވާނުން ބިނާކުރުމަކީ މިއަދު ރާއްޖޭގައި ކޮންމެހެން ކުރަންޖެހޭކަމެއްކަމަށް ނައިބު ރައީސް ވަނީ ފާހަގަކުރައްވާފައެވެ.

މެއި މަހު ފަށާ “ޑިޕްލޮމާ އިން ރޭޑިއޮގްރަފީ” ކޯހަކީ ހެލްތު މިނިސްޓްރީ، އެސްޓީއޯ އަދި އެމްއެންޔޫ ގުޅިގެން ދިވެހިންނަށް ހާއްސަކޮށްގެން ފަށާ ކޯހެކެވެ. މިއީ މޯލްޑިވްސް ކޮލިފިކޭޝަންސް އޮތޯރިޓީގެ މިންގަނޑުތަކާއި އަދި މޯލްޑިވްސް އެލައިޑް ހެލްތް ކައުންސިލްގެ މިންގަނޑުތަކާއި އެއްގޮތަށް ކުރިއަށްގެންދާ ކޯހެކެވެ. އަދި މި ކޯހުން ފާސްވާ ބައިވެރިންނަށް ލެވެލް 5 ގެ ނެޝަނަލް ސެޓްފިކެޓްއެއް ލިބިގެންދާނެއެވެ.