އައްޑޫ ފްލައިންގ ސްކޫލްގެ ބޯޓުތައް ނުދުއްވި ދަރިވަރުންގެ ޓްރެއިނިންގ ހުއްޓިފައި

ބޯޓުތަކަށް އުދުހެވޭނެ ގޮތެއްނެތުމުގެ ސަބަބުން އައްޑޫ ފްލައިންގ ސްކޫލްގެ ދަރިވަރުންނަށް ޓްރެއިނިންގތައް ފުރިހަމަނުކުރެވިފައިވާކަމަށް މައުލޫމާތު ލިބިއްޖެއެވެ. މައުލޫމާތު ލިބިފައިވާގޮތުން މިދިޔަ ހަފްތާތަކުގައި އައްޑޫ ފްލައިންގ ސްކޫލްގެ ދަރިވަރުންނަށް އުދުހުންތަކުގައި ބޭނުންކުރުމަށް އޮތީ އެންމެ ދެތިން ބޯޓެވެ.

އައްޑޫ ފްލައިންގ ސްކޫލްގައި އޮތް 14 އެއަރކްރާފްޓްގެ ތެރެއިން 9 އެއަރކްރާފްޓް މަރާމާތުކުރުމަށް 1 މަހާއި 4 މަހާއި ދެމެދުގެ މުއްދަތެއް ނަގާނެއެވެ. އަދި ބާކީއޮތް 5 އެއަރކްރާފްޓް މަރާމާތުކޮށް ނިމޭނެ ދުވަހެއް ކަނޑައެޅިގެން ބުނާކަށް ނޭންގެއެވެ.

advertisement

އައްޑޫ ފްލައިންގ ސްކޫލް ހިންގާ އޭޝިއަން އެކަޑަމީ އޮފް އޭރޯނޮޓިކްއިން ބުނަނީ ބޯޓުތައް މަރާމާތުކުރުން ލަސްވަނީ ސްޕެއަރ ޕާޓްސްތައް ލިބުމުގައި ދިމާވެފައިވާ ދަތިތަކުގެ ސަބަބުންކަމަށެވެ. ނަމަވެސް ދިވެހި ސަރުކާރުން ވަނީ އައްޑޫ ފްލައިންގ ސްކޫލް ހިންގުމަށް މާލީގޮތުން އެހީތެރިވެސް ވެދީފައެވެ.

ފްލައިންގ ސްކޫލްގެ ދަރިވަރުންގެ ތަމްރީންތައް ފުރިހަމަކުރުމަށް ބޭނުންކުރާ ބޯޓުތަކަކީ ޤަވައިދުން ބަލާ މޮނިޓަރ ކުރަންޖެހޭ ބޯޓުތަކެކެވެ. ބޯޓުތައް ބޭނުންނުކުރެވި ހުރުމުގެ ސަބަބުން ގިނަ ދަރިވަރުންނަކަށް މީގެ ސަބަބުން ގެއްލުންތަކާއި ކުރިމަތިލާންޖެހޭނެއެވެ.

މިހާރުވެސް ފައިލެޓް ކޯސް ފުރިހަމަކުރުމުގެ އެންމެ ފަހު ތަމްރީން މަރުހަލާގައި 50 ދަރިވަރުން އެބަތިއްބެވެ.