ޚަބަރު

ރައްޔިތުންގެ ވިންދާ އެއްގޮތަށް ސަރުކާރުގެ ހިންގުން ކުރިއަށް ގެންދާނަން – ސަރުކާރު

12 އެޕްރީލް 2021 - 14:51

މިމަހުގެ 10 ވަނަ ދުވަހު ބޭއްވި ލޯކަލް ކައުންސިލް އިންތިހާބުގައި ރައްޔިތުން ލީ ވޯޓާއި، އިހުސާސްތައް ފުރިހަމައަށް ބަލައިގަންނަ ކަމަށާއި ރައްޔިތުންގެ ވިންދާ އެއްގޮތަށް ސަރުކާރުގެ ހިންގުން ކުރިއަށް ގެންދާނެކަމުގެ ޔަގީންކަން ދިވެހި ސަރުކާރުން ދީފިއެވެ.

ލޯކަލް ކައުންސިލް އިންތިހާބުގައި ރާއްޖޭގެ ބޮޑެތި ބައެއް ސަރަހައްދުތަކުގެ ގޮނޑިތައް އެމްޑީޕީއަށް ވަނީ ގެއްލިފައެވެ. އޭގެތެރޭގައި މާލޭގެ މޭޔަރުކަން ފާހަގަކޮށްލެވެއެވެ. މާލޭގެ މޭޔަރުކަން ތަފާތު ބޮޑު ނަތީޖާއަކުން ކާމިޔާބު ކުރެއްވީ އިދިކޮޅު ޕީޕީއެމްގެ ޓިކެޓުގައި ވާދަކުރެއްވީ ޑރ. މުހައްމަދު މުއިއްޒުއެވެ. މާލޭގެ މޭޔަރުކަމުގެ ގޮނޑި އެމްޑީޕީއަށް ނުލިބުނު ނަމަވެސް، ދެން އޮތް ތިން ސިޓީގެ މޭޔަރުކަން ކާމިޔާބު ކުރީ އެމްޑީޕީގެ ކެންޑިޑޭޓުންނެވެ.

advertisement

ކައުންސިލް އިންތިޚާބު އަދި އަންހެނުންގެ ތަރައްޤީއަށް މަސައްކަތްކުރާ ގޮނޑިތަކަށް ވާދަކުރައްވާ ކާމިޔާބީ ހޯއްދެވި ހުރިހާ ކެނޑިޑޭޓުންނަށް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ވަނީ މަރުހަބާ ވިދާޅުވެފައެވެ.

ރިއެކްޝަންސް
0
0
0
0
0
0
0