މިފްކޯ މަސްދަޅު ކޭސް މިހާރު އައިބީއެމް މެދުވެރިކޮށް އޯޑަރު ކުރެވޭނެ

މިފްކޯ އިން އުފައްދާ ފެލިވަރު މަސްދަޅު ކޭސް ޑެލިވަރީ ކުރަން އައިލެންޑް ބެވަރެޖަސް މޯލްޑިވްސް (އައިބީއެމް) އާ ހަވާލުކޮށްފި އެވެ.

މި އެއްބަސްވުމުގައި އައިބީއެމްގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އިބްރާހިމް އަންވަރެވެ. އަދި މިފްކޯގެ ފަރާތުން ސޮއި ކުރެއްވީ އެ ކުންފުނީގެ ސީއީއޯ އިސްމާއިލް ފައުޒީ އެވެ.

advertisement

މި އެއްބަސްވުމުގެ ދަށުން މިފްކޯއިން ވިއްކާ، ތެލުގައި ބަންދު ކޮށްފައި ހުންނަ މަސްދަޅާއި ފެނުގައި ބަންދު ކޮށްފައި ހުންނަ މަސްދަޅު ގެ 48 ދަޅުގެ ކޭހަށާއި 24 ދަޅުގެ ކޭހަށް އައިބީއެމްގެ ހޮޓްލައިން 1619 މެދުވެރިކޮށް އޯޑަރު ކުރެވޭނެ އެވެ.

އައިބީއެމުން ބުނިގޮތުގައި މި އެއްބަސްވުމަކީ މިފްކޯ އިން އުފައްދާ ތަކެތި ކަސްޓަމަރުންނާ ހަމައަށް އަވަހަށް ފޯރުކޮށްދިނުމަށް ވެވުނު އެއްބަސްވުމެކެވެ.