ރޯދައަށް ހުރުން: ސިއްހީގޮތުން އެތައް ފައިދާއެއް ލިބޭ ކަމެއް

ރަމަޟާންމަހަކީ މުސްލިމުންނާއި ކުރިމަތިލާ އެންމެ މާތް މަސްއަރެވެ. ރަމަޟާންމަހަކީ ދަރުމައާއި ސަވާބުން ފުރިފައިވާ މަހެކެވެ. ރަމަޟާންމަހުގެ ގިނަ ވަގުތު ކެއިންބުއިމާއި ދުރުވާންޖެހެއެވެ. މުސްލިމުން ރޯދަ ހިފަން ފަށާފައިވާތާ 1400 އަށްވުރެ ގިނަ އަހަރު ވެފައިވާކަމަށް ތާރީހުން ދައްކައެވެ.

މިއަދު ސައިންސްގެ ހޯދުންތަކުންވެސް ރޯދައަށް ހުރުމުން ގިނަ ފައިދާތަކެއް އިންސާނުންނަށް ލިބޭކަން ވަނީ ހޯދިފައެވެ. އޭގެތެރޭގައި ރޫހާނީ ފައިދާތަކާއި މާއްދީ އެތައް ފައިދާއެއްވެސް ސައިންސްގެ އަލީގައި މިއަދު ވަނީ ހޯދިފައެވެ.

advertisement

ސިއްހީގޮތުން ދިމާވާ ތަފާތު އެކި މައްސަލަތަކުން ސަލާމަތްވުމަށް ރޯދައަކީ އެންމެ މޮޅު އެއް ވަސީލަތެވެ. ރޯދައިން ލިބޭ ސިއްހީ ފައިދާތަކުގެ ތެރޭގައި ބަރުދަން ހަމަ މިނެއްގައި ހިފެހެއްޓުމާއި، ލޭގައި ހަކުރާއި ކޮލެސްޓްރޯލް ހުންނަ މިންވަރު މަތިވިޔަ ނުދީ އެއްވަރެއްގައި ހިފެހެއްޓުމާއި، ފަލަވާ ބަލިން ރައްކާތެރިވުމާއި، މީގެއިތުރުން ނާރުތަކުގެ ބާރުދެރަވުމުން ރައްކާތެރިވުން ހިމެނެއެވެ.

ސައިންސްގެ އަލީގައި މިއަދު ހޯދިފައިވާގޮތުން ކެންސަރު ފަދަ ނުރައްކާތެރި ބަލިތަކުން ރައްކާތެރިވުމަށްވެސް ރޯދަ ހިފުމަކީ މުހިންމު ކަމެކެވެ.

ރޯދައަށް ހުރުމުގެ ސަބަބުން ގިނަ ވަގުތު ކެއިންބުއިމާއި ދުރުވުމުގެ ސަބަބުން ހަޖަމުކުރާ ނިޒާމަށްވެސް މީގެ ސަބަބުން ފައިދާތަކެއް ކުރެއެވެ. ހަށިގަނޑުގައި ހުންނަ ނޭދެވޭ ބައިތައްވެސް ހަށިގަނޑުން ނެރުމަށް ރޯދައަށް ހުރުމުގެ ސަބަބުން އެހީވެދެއެވެ.

އެހެންކަމުން ސައިންސްގެ އަލީގައިވެސް މިއަދު ރޯދައަށް ހުރުމަކީ އޭގެ ސަބަބުން ސިއްހީގޮތުން އެތައް ފައިދާއެއް ލިއްބައިދޭ ކަމެއްކަން ވަނީ އެނގި ސާފުވެފައެވެ.