އަހަރުގެ މިހާތަނަށް ޑޮލަރު އާމްދަނީ %11 ދަށް

މި އަހަރުގެ މިހާތަނަށް ދައުލަތަށް ޑޮލަރުން ލިބުނު އާމްދަނީ 11 ޕަސެންޓް ދަށްވެފައިވާ ކަމަށް މީރާގެ ތަފާސް ހިސާބުތަކުން ދައްކައިފި އެވެ.

މީރާގެ ތަފާސް ހިސާބުތައް ދައްކާ ގޮތުގައި މި އަހަރުގެ ޖެނުއަރީން ފެށިގެން ޑޮލަރު އާމްދަނީގެ ގޮތުގައި ލިބިފައިވަނީ 151 މިލިއަން ޑޮލަރެވެ. ނަމަވެސް މިދިޔަ އަހަރުގެ އެ މުއްދަތުގައި 171 މިލިއަން ޑޮލަރު ލިބިފައިވެ އެވެ. މިއީ މިދިޔަ އަހަރާ އަޅާ ބަލާނަމަ ގާތްގަނޑަކަށް 11 ޕަސެންޓުގެ ދަށްވުމެކެވެ.

advertisement

މި އަހަރުގެ މާޗް މަހުގެ ނިޔަލަށް ބަލާނަމަ ޑޮލަރުން އެންމެ ބޮޑު އާމްދަނީއެއް ދައުލަތަށް ލިބިފައި ވަނީ ޓޫރިޒަމް ބިމު ކުލީގެ ގޮތުގަ އެވެ. ޓޫރިޒަމް ބިމު ކުލީގެ ގޮތުގައި މިހާތަނަށް 25 މިލިއަން ޑޮލަރު ލިބިފައިވެ އެވެ. ނަމަވެސް މިދިޔަ އަހަރު ލިބިފައިވަނީ 11 މިލިއަން ޑޮލަރެވެ. އޭގެ މައިގަނޑު ސަބަބަކީ ކޮވިޑް-19 ގެ ސަބަބުން ރާއްޖޭގެ އިގްތިސޯދު ހީނަރު ވުމާއެކު ޓޫރިޒަމަށް ލިބޭ އާމްދަނީ ދަށްވުމުން ޓޫރިޒަމް ބިމު ކުލި ދެއްކުމުގައި ސަރުކާރުން ދިން ލުއި ތަކެވެ.
މި އަހަރުގެ މިހާތަނަށް ޑޮލަރުން ދައުލަތަށް ލިބުނު އާމްދަނީ ދަށްވި ނަމަވެސް މިދިޔަ މަހަށް އެކަނި ބަލާއިރު މިއަދަދު މައްޗެވެ. މިދިޔަ މާޗް މަހު ޑޮލަރުން އާމްދަނީގެ ގޮތުގައި 63 މިލިއަން ޑޮލަރު ލިބިފައިވެ އެވެ. ނަމަވެސް މިދިޔަ އަހަރު ލިބިފައިވަނީ 42 މިލިއަން ޑޮލަރެވެ.