ޚަބަރު

ބީއެމްއެލްއިން ކޮންމެ ހަފްތާއަކުވެސް 3 ފަރާތަކަށް ރޯދަވީއްލުމެއް

15 އެޕްރީލް 2021 - 14:10

ބޭންކް އޮފް މޯލްޑިވްސްއިން ކޮންމެ ހަފްތާއަކުވެސް ހޮވޭ ނަސީބުވެރިއަކަށް ރޯދަވީއްލުމެއްދޭ ޙާއްސަ ޕްރޮމޯޝަނެއް ފަށައިފިއެވެ. ބީއެމްއެލްއިން ބުނީ ސޯސަލް މީޑިއާގެ ފްލެޓްފޯމްތައްކަމަށްވާ ފޭސްބުކް، ޓްވިޓަރ، އިންސްޓްގްރާމްގައި މި ހަރަކާތް ކުރިއަށްދާނެކަމަށެވެ. އެގޮތުން ކޮންމެ ޕްލެޓްފޯމްއެއްގައިވެސް ރޯދަވީއްލުމުގެ ގިވްއަވޭގައި ރަހުމަތްތެރިން ޓެގްކޮށް ކޮމެންޓްކުރާ ފަރާތްތަކުގެ މެދުގައި ހޮވޭ ނަސީބުވެރިއަކަށް އިތުރު މީހަކާއިއެކު ރޯދަވީއްލުމެއް ލިބޭނެކަމަށެވެ. ފޭސްބުކް، ޓްވިޓަރ، އިންސްޓްގްރާމް މިއިން ކޮންމެ ޕްލެޓްފޯމްއަކުންވެސް ކޮންމެ ހަފްތާއަކު ނަސީބުވެރިއަކު ހޮވާނެކަމަށް ބީއެމްއެލްއިން ބުނެއެވެ.

މި ރޯދަވީލުމުގެ ގިވްއަވޭ ބޭނުންކުރެވޭނީ14 އޭޕްރިލް އިން 12 މޭގެ ނިޔަލަށެވެ. ގިވްއަވޭގައި ބައިވެރިވުމަށް ބީއެމްއެލްގެ ސޯސަލް މީޑިއާގައި ކޮންމެ ހަފްތާއަކުވެސް ހިއްސާކުރާ ޕޯސްޓަށް ކޮމެންޓްކުރަންޖެހޭނެއެވެ. ބީއެމްއެލްގެ މުވައްޒަފުންނަށް މި ޕްރޮމޯޝަންގައި ބައިވެރިއެއް ނުވެވޭނެއެވެ.

advertisement
ރިއެކްޝަންސް
0
0
0
0
0
0
0