ހިޔާ ފްލެޓަށް ކައްކާ ގޭސް ފޯރުކޮށްދޭނީ އިމާރާތުގެ ތިރިން ހޮޅިއަކުން

ހިޔާ ފްލެޓަށް ކައްކާ ގޭސް ފޯރުކޮށް ދޭނީ ފުޅިތައް އިމާރާތުގެ ތިރީގައި ބަހައްޓައި ހޮޅި އަޅައިގެން ކަމަށް، ހައުސިން ޑިވްލޮޕްމަންޓް ކޯޕަރޭޝަން (އެޗްޑީސީ) އިން ބުނެފި އެވެ.

ހިޔާ ފްލެޓުގެ 6،000 އަށް ވުރެ ގިނަ އެޕާޓްމަންޓް ހުރެއެވެ. އެޗްޑީސީގެ މެނޭޖިން ޑިރެކްޓަރު ސުހައިލް އަހުމަދު ވިދާޅުވީ، ހިޔާ ފްލެޓްގެ ކޮންމެ ފްލެޓަކަށް ގޭސް ފުޅި އެރުވުމަކީ ދަތިކަމަށް ވާނެ ކަމަށެވެ. އެހެންކަމުން ގޭސް ފޯރުކޮށް ދޭނެ އިންތިޒާމެއް ހަމަޖައްސަން މޯލްޑިވްގޭސްއާ ވާހަކަ ދައްކަވަމުންދާ ކަމަށެވެ.

advertisement

އޭނާ ވިދާޅުވީ 10 ވަރަކަށް ދުވަހުގެ ތެރޭގައި ފްލެޓުތަކުގެ ގުރުއަތުލުމުގެ މަސައްކަތް ނިމި، އަންނަ ހަފުތާ ތެރޭގައި ފްލެޓުތައް ހަވާލު ކުރަން ފެށޭނެ ކަމަށެވެ.

އެޗްޑީސީން ވިދާޅުވީ، އެހާބޮޑު އާބާދީއަކަށް ޙިދުމަތް ފޯރުކޮށްދޭއިރު ދަތިތަކެއް ހުރެދާނެކަމަށެވެ. އެހެންނަމަވެސް އާންމު އެކިއެކި ހިދުމަތް ފޯރުކޮށްދިނުމަށް މިހާރުވެސް އެޗްޑީސީން ވަނީ ހުޅުވާލާފައެވެ. ބޯކޮށާތަނާއި ފިހާރަ ފަދަ އާއްމު ހިދުމަތްތައް ވެސް އާބާދީ މި އިމާރާތަށް ވަންނަންވާއިރަށް ނިންމަން މަސައްކަތް ކުރައްވާނެ ކަމަށް ސުހައިލް ވިދާޅުވި އެވެ.

ހިޔާ ފްލެޓަށް މީހުން ވަންވަން ވާއިރަށް އެމްޓީސީސީ އިން ބަހުގެ ހިދުމަތް ދޭނެ ކަމަށްވެސް އެޗްޑީސީން ބުނެއެވެ