ޖިންސީ ގޯނާ: ޖަސްޓިފައި ކުރެވިދާނެތަ؟

ދިވެހި މުޖްތަމައުގައި މިހާރު އާންމުވެފައިވާ އެންމެ ބޮޑު އެއް މައްސަލައަކީ ރޭޕްއެވެ. ދާދިފަހުން މާލޭގައި ހިނގި ރޭޕްގެ މައްސަލައަކާއި ގުޅިގެން އަނެއްކާވެސް ވަނީ މިކަމުގެ އަޑުގަދަވެފައެވެ.

ރޭޕްއާއި ގުޅުންހުރި މައްސަލަތަކާއިމެދު އެކި މީހުންގެ ޙިޔާލުވެސް ތަފާތެވެ. ކޮންމެ ރޭޕް ކޭސްއަކާއި ގުޅިގެންވެސް ރޭޕްކުރާ މީހުން ހިފާ ހައްޔަރުކުރުމަށް ގޮވާލާ އެމީހުންނަށް ހައްޤު އަދަބު ދޭނެޖެހޭކަމަށް ގިނަ ބަޔަކު ސޯސަލް މީޑިއާގައި ޝުއޫރުފާޅުކުރެއެވެ. އެހެންނަމަވެސް މީގެ އަނެއް ކޮޅަށް ވާހަކަދައްކާ މީހުންވެސް މަދުން ނަމަވެސް ފެނެއެވެ.

advertisement

މަދުން ނަމަވެސް ޝޯސަލް މީޑިއާގައި ބައެއް މީހުން ފާޅުކޮށްފައިވާ ޝުއޫރުތަކުގެ ތެރޭގައި ރޭޕްގެ ޝިކާރައަކަށްވީ މީހާ ކުށްވެރިކޮށްފައި ހުރެއެވެ. އޭގެތެރޭގައި ރޭޕް ކުރަނީ ވަކި ކަމެއް ވެގެންނޭ ބުނެ ރޭޕްގެ ޝިކާރައަކަށްވީ މީހާ ކުއްވެރިކޮށްފައި ހުރެއެވެ. އެގޮތުން ރޭޕްކުރީ ވަކި ކަހަލަ ހެދުމެއް ލާތީ ކަމަށާއި، ނުވަތަ “ގޭގައި އޮތްނަމަ ރޭޕް ނުކުރޭނެ” ފަދަ އެއްޗެހި ލިޔެފައި ހުރެއެވެ.

ހަޤީގަތަކީ ރޭޕް ކުރަނީ ވަކި ކަހަލަ އެއްޗެއް ލާތީނޫންކަމެވެ. އެހެންނަމަ މި މުޖްތަމައުގައި ކުޑަކުދިން ރޭޕްއެއް ނުކުރާނެއެވެ. ގޭގައި އޮންނަމަ ރޭޕް ނުކުރާނެކަމަށް ބުނެ ބައެއް ފަރާތްތަކުން ބުނަމުންދާއިރު އަމިއްލަ ގޭގައި އާއިލާ މީހުންގެ ފަރާތުން ރޭޕްގެ ޝިކާރައަކަށް ވަނީ ކިތައް ކުދިން ހެއްޔެވެ؟ އެންމެ ގާތް މީހުންގެ ފުށުން މިފަދަ އަނިޔާ ލިބޭލެއް މަދެއްނޫނެވެ. އެހެންކަމުން ރޭޕްކުރާ ކޮންމެ ފަހަރަކު ވަކި ކަމަކާއި މައްޗެއް ނުކުރެވޭނެއެވެ.

މިފަދަ މައްސަލަތަކަކީ މުޖްތަމައުގައި ހުރި ކަންބޮޑުވާންޖެހޭ މައްސަލަތަކެކެވެ. މިކަންކަން ހައްލުކުރުމަށް އެންމެން އިސްނަގަންޖެހެއެވެ.