ކޯވިޑްއާއި ގުޅިގެން މި 23 ރަށަށް އަރާ ފޭބުން މަނާ

ކޯވިޑް-19ގެ ޕޮޒިޓިވް ކޭސްތަކާ ގުޅިގެން 23 ރަށެއް މިވަގުތު އޮތީ އަރާފޭބުން މަނާކޮށްފައެވެ. އެންމެ ފަހުން ކޭސްތަކެއް ފެނުމާއި ގުޅިގެން މޮނިޓަރިންއަށް ލާފައިވަނީ އއ.އުކުޅަހާއި ކ.ތުލުސްދޫން ޕޮޒިޓިވް ކޭސްތަކެއް ފެނުމާ ގުޅިގެން އެދެރަށަށް އަރާފޭބުން މަނާކޮށްފައެވެ.

ރާއްޖޭގައި ކޯވިޑް-19ގެ ޙާލަތު މިހާރު އަންނަނީ ގޯސްވަމުންނެވެ. ގިނަ ކޭސްތައް މިހާރު ފެންނަމުން އަންނަނީވެސް އަތޮޅުތަކުގެ ރަށްރަށުންނެވެ. ވޭތުވެދިޔަ ހަފްތާއިން ފެށިގެން ފާއިތުވި 24 ގަޑިއިރާ ހަމައަށް 800އަށްވުރެ ގިނަ ކޭސްވަނީ އަތޮޅުތަކުން ފެނިފައެވެ. ޕޮޒިޓިވް ކޭސްތަކާ ގުޅިގެން ކޮންޓެކްޓް ޓްރޭސްކުރުމަށާއި ބަލި ފެތުރުން ހުއްޓުވުމަށްޓަކައި މިވަގުތު 23 ރަށެއް އޮތީ މޮނީޓަރިންގެ ގެ ޙާލަތުގައެވެ. މިވަގުތު މޮނީޓަރިންގެ ޙާލަތުގައިވާ ރަށްތައް
ކ.ދިއްފުށި
ކ.ގުޅި
ކ.މާފުށި
ކ. ތުލުސްދޫ
ކ.ހިންމަފުށި
ޅ.ނައިފަރު
ޅ.ފެލިވަރު
އދ.މާމިގިލި
ތ. ވޭމަންޑޫ
ތ. ކިނބިދޫ
ތ.އޮމަދޫ
ތ.ގާދިއްފުށި
ތ.މަޑިފުށި
ތ.ތިމަރަފުށި
އއ.ބޮޑު ފުޅަދޫ
އއ.މަތިވެރި
އއ. އުކުޅަސް
ބ.އޭދަފުށި
ހދ.ހަނިމާދޫ
ލ.މާންދޫ
ލ.ގަން
ލ.ފޮނަދޫ
ގދ.ތިނަދޫ

advertisement

ރަށްރަށް މޮނީޓަރިންއަށް ލުމާއެކު އެރަށަކަށް އަރާފޭބުން މަނާކޮށް ޢާއްމުން އެއްވެ އުޅުމާއި ގޭގެއަށް ޒިޔާރަތްކުރުމަކީ މަނާކަމެކެވެ. އެޗްޕީއޭއިން ރަށްރަށް މޮނީޓަރިންގއަށް ލަނީ ކޯވިޑް-19ގެ ކޮންޓެކްޓް ޓްރޭސިންގެ މަސައްކަތް ކުރުމަށާއި އިތުރަށް ބަލި ހުރި މީހުންނާއި މީހުން ދިމާވުން ހުއްޓުވައި ބަލި ކޮންޓްރޯލްކުރުމަށެވެ. އެޗްޕީއޭއިން މިހާރު އެކުލަވާލާފައިވާ އުސޫލުގެ ދަށުން ބަލީގެ ނުރައްކާ އޮންނަ ރަށްރަށުގައި ޢާއްމު ތަންތަނުގައި އުޅޭއިރު މާސްކު އެޅުމަކީ މަޖުބޫރުކަމެކެވެ.

ކޯވިޑް19 އަށް މިހާތަނަށް ރާއްޖެއިން 28،588 މީހަކު ވަނީ ޕޮޒިޓިވްވެފައެވެ. މީގެތެރެއިން މިހާރު އެކްޓިވް ކޭސްތަކުގެ އަދަދަކީ 4،009 އެވެ.