ރާއްޖެއިން ހުށައެޅީ ލީކްވި ޕޭޕަރުތައް އަލުން ހެދުމަށް – އެޑިޔުކޭޝަން

އެޑެކްސެލް އިންޓަނޭޝަނަލް އޭލެވެލް އިމްތިހާނުގެ ޕޭޕަރުތަކެއް ލީކުވި މައްސަލައިގައި ރާއްޖެއިން އެޑެކްސެލްއަށް ހުށަހެޅި މައިގަނޑު ހުށަހެޅުމަކީ އަލުން އިމްތިހާން ހެދުން ކަމަށް އެޑިއުކޭޝަނުން ބުނެފި އެވެ.

މިދިޔަ ހަފްތާގައި ހެދި ފިޒިކްސް އަދި ބަޔޮލޮޖީ ޕޭޕަރު ވަނީ ލީކުވެފަ އެވެ. އެޑިއުކޭޝަނުން ބުނީ އެ ޕޭޕަރުތައް ލީކުވެފައި ވަނީ ރާއްޖޭގެ ސެންޓަރަކުން ނޫން ކަމަށެވެ. ޕޭޕަރުތައް ލީކުވީ ބައެއް ގައުމުތަކުގައި އިމްތިހާނު ހަދާ ވަގުތާއި ރާއްޖޭގައި އިމްތިހާނު ހަދާ ވަގުތުގައި ތަފާތުތަކެއް ހުރުމުންނެވެ.

advertisement

ޕޭޕަރު ލީކުވި މައްސަލައިގައި އެޑެކްސެލް އާއެކު މަޝްވަރާ ކުރަމުން އަންނަ ކަމަށް އެޑިޔުކޭޝަން މިނިސްޓްރީން ވިދާޅުވެއެވެ.ޑީޕީއީގެ މައިގަނޑު ހުށަހެޅުމަކީ ދަރިވަރުންނަށް އަލުން އިމްތިހާނު ދެވޭނެ ގޮތެއް ވުން ކަމަށް މިނިސްޓްރީން ވަނީ ވިދާޅުވެފައެވެ. އެއީ ބައިނަލްއަގުވާމީ އިމްތިހާނަކަށް ވާތީ، މައްސަލައިގައި ފަހު ބަސް ބުނުމުގެ ބާރު ރާއްޖެއަށް ނޯންނާނެކަމަށްވެސް އެޑިޔުކޭޝަނުން ވަނީ ބުނެފައެވެ.