ރައީސް ނަޝީދަށް ހަމަލާދިން އެންމެ މުހިންމު މީހާ ހައްޔަރުކޮށްފި

ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ދިން ޓެރަރިސްޓް ހަމަލާގައި ބޮން ގޮއްވާލިކަމަށް ތުހުމަތުކުރެވޭ މީހާ ހައްޔަރުކޮށްފިއެވެ. ރައީސް ނަޝީދުއަށް އަމާޒުކޮށް މިހަމަލާ ދީފައިވަނީ މިދިޔަ ބުރާސްފަތި ދުވަހުގެރެއެވެ.

މި މިހާ ހައްޔަރުކޮށްފައިވަނީ ހުޅުމާލެއިން ނެވެ. އޭނާ ހައްޔަރުކުރީ، ރޭ ފަތިހުން ފެށިގެން ފުލުހުންގެ ސްވަޓް ޓީމާއި އެސްއޯ ފުލުހުން ހިންގި ހާއްސަ އޮޕަރޭޝަނެއްގަ އެވެ. އެހެންނަމަވެސް މިކަމާއި ބެހޭ އެއްވެސް ތަފްސީލެއް އަދި ފުލުހުން ހާމައެއް ނުކުރައްވައެވެ. ރައީސް ނަޝީދަށް ހަމަލާދީން މައްސަލާގައި ޝައްކުކުރެވޭ 4 މީހުން ތިބިކަން ފުލުހުންވަނީ ވިދާޅުވެފައެވެ. މީގެތެރެއިން 3 މީހުން މިހާރު މިވަނީ ހައްޔަރުކޮށްފައެވެ.

advertisement

މި މައްސަލައާއި ގުޅިގެން ފުރަތަމަ ފަހަރަށް ބަޔަކު ހައްޔަރުކޮށްފައިވަނީ އިއްޔެގެ ވަގުތެއްގައެވެ. އިއްޔެ ހައްޔަރުކޮށްފައިވާ ދެމީހުންނަކީ މއ.ފޭރުގެ ޢުމުރުން 21 އަހަރުގެ މުޖާޒް އަޙްމަދާއި ގއ.ކޮނޑޭ ފޮޅޭމާގޭ ޢުމުރުން 32 އަހަރުގެ ތަހްމީނު އަޙްމަދެވެ. ކުށުގެ ރެކޯޑްތައް އޮންނަ މީ ދެމީހުންގެ ތެރެއިން ތަހްމީން އަޙްމަދަކީ މި ހާދިސާގައި ބޮން ހަރުކޮށް ގޮއްވި ސައިކަލްގެ ވެރިފަރާތްކަމަށް ފުލުހުން ބުނެއެވެ.

ފުލުހުން ވިދާޅުވީ، މި މީހުންވަނީ ސައިކަލްގެ ނަންބަރު ޕްލޭޓް ބަދަލުކޮށް ސައިކަލްގެ އިންޖީނުގެ ނަމްބަރުވެސް ވަނީ ކަހާލާ ފޮރުވުމަށް މަސައްކަތް ކޮށްފައިކަމަށެވެ.