މާދަމާއަކީ ފިތުރު ޒަކާތް ދެއްކުމުގެ އެންމެ ފަހު ދުވަސް

މާދަމާއަކީ ފިތުރު ޒަކާތް ދެއްކުމުގެ އެންމެ ފަހު ދުވަހެވެ. ފިތުރު ޒަކާތް ދެއްކުމަށްޓަކައި އާންމުންނަށް ފަސޭހަ ގިނަ ގޮތްތަކެއް ވަނީ ހަމަޖައްސައިދީފައެވެ. އެގޮތުން ބޭންކް އޮފް މޯލްޑިވްސް މެދުވެރިކޮށްވެސް އޮންލައިންކޮށް ފަސޭހަކަމާއިއެކު ފިތުރު ޒަކާތް ދައްކާލެވޭނެއެވެ.

ބީއެމްއެލް މެދުވެރިކޮށްވެސް ފިތުރު ޒަކާތް ދެއްކުމުގެ އެންމެ ފަހު ތާރީހަކީ މާދަމާގެ އިރުއޮއްސި 6 ޖެހުމާއި ހަމައަށެވެ. ބީއެމްއެލް މެދުވެރިކޮށް ފިތުރު ޒަކާތް ދެއްކެވުމަށް އެކަމަށް ޚާއްސަކޮށްފައިވާ ލިންކް (link.bml.com.mv/zakaiy) އަށް ޒިޔާރަތްކޮށްލައްވައިގެން ފަސޭހަކަމާއިއެކު ފިތުރު ޒަކާތް ދައްކާލެވޭނެއެވެ.

މި ލިންކަށް ވަނުމުން ފިތުރު ޒަކާތް ދެއްކާ މީހާގެ މައުލޫމާތާއި، ދައްކަން ބޭނުންވާ މީހުންގެ އަދަދުވެސް ފަސޭހަކަމާއިއެކު ޖަހާލުމަށްފަހު ބީއެމްއެލް ޑެބިޓް ނުވަތަ ކްރެޑިޓް ކާޑު މެދުވެރިކޮށް ޒަކާތް ދައްކާލެވޭނެއެވެ.