މިއަދުގެ ދެވަނަ މަރާއެކު މިހާތަނަށް 125 މަރު

ކޯވިޑް 19 ޖެހިގެން ރާއްޖެއިން އިތުރު މީހަކު މަރުވެއްޖެއެވެ.

ހެލްތު ޕްރޮޓެކްޝަން އެޖެންސީ، އެޗް.ޕީ.އޭއިން ވިދާޅުވީ، ކޯވިޑް ޖެހިގެން ރާއްޖެއިން މިއަދު ހެނދުނު މަރުވީ، އުމުރުން 62 އަހަރުގެ ދިވެހި އަންހެނެއްކަމަށެވެ. އޭނާ މަރުވީ ހުޅުމާލޭ މެޑިކަލް ފެސިލިޓީގައި ފަރުވާދެމުންދަނިކޮށް މިއަދު ހެނދުނު 10:49 ހާއިރުއެވެ. މިއީ މި ބަލީގައި މިއަދު ރާއްޖެއިން ނިޔާވި 2ވަނަ މީހާއެވެ. އަދި ރާއްޖެއިން ކޯވިޑް ބަލީގައި ނިޔާވި 125 ވަނަ މީހާއެވެ.

advertisement

މިއަދު ހެނދުނުވެސް މިބަލީގައި ދިވެހި ފިރިހެނަކު ވަނީ ނިޔާވެފައެވެ. އެޗް.ޕީ.އޭއިން އަނގަނީ، ކޯވިޑް ޖެހިގެން މިއަދު ހެނދުނު 8:07 ހާއިރު ނިޔާވެފައިވަނީ އުމުރުން 66 އަހަރުގެ ދިވެހި ފިރިހެނެއްކަމަށެވެ.

ރާއްޖޭގައި މިބައްޔަށް ޕޮޒިޓިވްވާ މީހުންނާއި ބަލީގައި މަރުވަމުން މީހުންގެ އަދަދު އިތުރުވަމުން އަންނައިރު މިބަލީގައި އެޑްމިޓްކޮށްގެން ފަރުވާ ހޯދަމުން އަންނަ މީހުންގެ އަދަދުވެސް ވަނީ އިތުރުވެފައެވެ.