ކްލައިމެޓް ޗޭންޖް އެންޑް ޓެކްނޯލޮޖީގެ މަޤާމަކަށް މީހަކު އައްޔަން ކޮށްފި

ރައީސުލްޖުމްހޫރިއްޔާ އިބްރާހީމް މުހައްމަދު ސާލިހް، މިނިސްޓަރ އޮފް ސްޓޭޓް ފޮރ އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީގެ މަޤާމަށް ހ.ޔެލޯރޯޒް، މުހައްމަދު ޝަރީފު އައްޔަން ކޮށްފިއެވެ.

ރައީސް އޮފީހުން އަންގަނީ މުހައްމަދު ޝަރީފަކީ، އިނގިރޭސިވިލާތުގެ ޔުނިވަރސިޓީ އޮފް ބާމިންގހަމްގެ އިލެކްޓްރޯނިކް އެންޑް އިލެކްޓްރިކަލް އިންޖިނިއަރިނގް ވިތް މެނޭޖްމަންޓް އިން މާސްޓަރސް އޮފް އިންޖިނިއަރިން ހާސިލްކޮށްގެން ހުރި މީހެއްކަމެވެ.

advertisement

މި މަޤާމަށް އައްޔަނުކުރުމުގެ ކުރިން މުހައްމަދު ޝަރީފު އަދާކޮށްފައިވަނީ މިނިސްޓްރީ އޮފް ކޮމިއުނިކޭޝަން، ސައިންސް އެންޑް ޓެކްނޮލޮޖީގެ ޕާމަނަންޓް ސެކްރެޓަރީގެ މަޤާމެވެ. އަދި މުހައްމަދު ސަރީފަކީ 2020 ވަނަ އަހަރުން ފެށިގެން މޯލްޑިވްސް ކޮލިފިކޭޝަން އޮތޯރިޓީގެ ހިންގާ ބޯޑުގައި އިންފޮމޭޝަން ޓެކްނޮލޮޖީގެ ބޯޑު ތަމްސީލުކުރަމުންދާ މީހެކެވެ. މީގެ އިތުރުން މުހައްމަދު ޝަރީފަކީ ވަރަށް ގިނަ މަތީ މަޤާމުތައް ފުރާފައިވާ މީހެކެވެ. އެގޮތުން ނެޝަނަލް ސެންޓަރ ފޮ އިންފޮމޭޝަން ޓެކްނޮލޮޖީ އެން.ސީ.އައި.ޓީގެ ޗީފް އިންފޮމޭޝަން އޮފިސަރގެ މަޤާމާއި ސައިރެކްސް ކޮލެޖުގެ ޑިރެކްޓަރ ގެ މަޤާމުފަދަ މަޤާމުތައް ޝަރީފު ވަނީ ފުރާފައެވެ.