ހިޔާ ފްލެޓަތަކަށް ޑައުންޕޭމަންޓް ދައްކާކަށް ނުޖެހޭނެ – އެޗްޑީސީ

ހުޅުމާލޭ ދެވަނަ ފޭސްގައި އަޅާފައިވާ ހިޔާ ފްލެޓްތަކަށް ޑައުންޕޭމަންޓުގެ ގޮތުގައި އެއްވެސް ފައިސާއެއް ނެގުމަށް ހަމަޖެހިފައި ނުވާކަމަށް ހައުސިން ޑިވޮލޮލަޕްމެންޓް ކޯޕަރޭޝަން (އެޗްޑިސީން ) ހާމަކޮށްފިއެވެ.

އެޗްޑީސީންވަނީ ފްލެޓްތަކުގައި އަގު އަދާކުރަންޖެހޭ ގޮތުގެ ތަފްސީލުތައް އާއްމުކޮށްފައެވެ.

advertisement

އެޗްޑިސީން އިއުލާންކުރީ ފްލެޓްތަކަށް ފައިސާ ދައްކާ ޚަލާސްކުރަންޖެހޭނީ 25 އަހަރުގެ މުއްދަތަށް ބަހައިލައިގެން، އަދި އިންސްޓޯލްމަންޓްގެ ގޮތުގައި ދައްކަންޖެހޭނީ މަހަކު 7،500 ރުފިޔާކަމަށާއި ފްލެޓްގެ މެނޭޖްމަންޓް ފީގެ ގޮތުގައި މަހަކު 1000 ރުފިޔާ ނެގުމަށް ހަމަޖެހިފައިވާކަމަށްވެސް އެޗްޑީސީން އެންގިއެވެ. 

ފްލެޓްގެ އެއްބަސްވުމުގައި ސޮއިކުރާ ތާރީޚުން ފެށިގެން 3 މަސްދުވަހުގެ މުއްދަތަށް އެއްވެސް ފައިސާއެއް ދައްކަން ނުޖެހޭ ގޮތަށް ސަރުކާރުން ނިންމަވާފައިވާކަމަށްވެސް އެޗްޑީސީން ފާހަގަކުރިއެވެ.

ޑައުންޕޭމަންޓުގެ ގޮތުގައި އެއްވެސް ފައިސާއެއް ދައްކަން  ނުޖެހުނުނަމަވެސް އެއްވެސް ފަރާތަކުން ޑައުން ޕޭމަންޓްގެ ގޮތުގައި އެއްވެސް ފައިސާއެއް ދައްކަން ބޭނުންވާނަމަ އެ މީހަކަށް އެ އިންތިޒާމުތައް ހަމަޖައްސައިދޭނެކަމަށްވެސް އެޗްޑީސީން  ހާމަކުރިއެވެ.

އަދި، ޑައުންޕޭމަންޓުގެ ގޮތުގައި ދައްކާ ފައިސާ ފްލެޓުގެ ޖުމްލަ އަގުން އުނިކޮށް، މަހު ކުލި މިއަގާއި އެއްގޮތަށް ކުޑަކުރާނެކަމަށްވެސް އެ ކުންފުނިން ބުންޏެވެ.