ކޯވިޑް19 ގެ ހާލަތު ބެލުމަށް ސަރުކާރުން ކޮންމެ އަތޮޅަކަށް އިސް މަންދޫބެއް

ރާއްޖޭގައި ހަލުވިކަމާއިއެކު ފެތުރެމުންދާ ކޯވިޑް19 އާއި ގުޅިގެން އަތޮޅުތަކުގެ ހާލަތު ބެލުން އިތުރަށް ހަރުދަނާ ކުރުމާއި ކޯޑިނޭޝަން އިތުރަށް ހަރުދަނާކުރުމަށް ކޮންމެ އަތޮޅަކަށް ސަރުކާރުގެ ފަރާތުން އިސް ފަރާތެއް ކަނޑައެޅުމަށް ރައީސުލްޖުމްހޫރިއްޔާ ހަމަޖައްސަވައިފިއެވެ. މިގޮތުން އެކި މިނިސްޓްރީތަކުން ސްޓޭޓް މިނިސްޓަރެއް ނުވަތަ ޑެޕިއުޓީ މިނިސްޓަރެއް ކޮންމެ އަތޮޅަކަށް ވަނީ ކަނޑައަޅުއްވާފައިކަމަށް ހެލްތް މިނިސްޓްރީން ވިދާޅުވެއެވެ.

މި ބޭފުޅުން މަސައްކަތް ކުރައްވަނީ ކައުންސިލްތަކާއި ޓާސްކް ފޯސްތަކާއި ގުޅިގެން އެއަތޮޅެއްގައި ކޯވިޑް19 ކޮންޓްރޯލްކޮށް ހުއްޓުވުމަށް ކުރަމުންދާ މަސައްކަތްތަކާއި ދަތިތައް ހެލްތް އެމަޖެންސީ އޮޕަރޭޝަން ސެންޓަރަށް އަދި ކަމާއި ގުޅުންހުރި ފަރާތްތަކުގެ ސަމާލުކަމަށް ގެނެސް އެކަން ހިނގާ ނުހިނގާގޮތް މޮނިޓަރ ކުރެއްވުމަށްކަމަށް ހެލްތް މިނިސްޓްރީން ވިދާޅުވެއެވެ.

advertisement

ރާއްޖޭގައި މިހާރު ކޯވިޑް19 ފެތުރުން ވަނީ ވަރަށް ބޮޑަށްވެސް އިތުރުވެފައެވެ. އެގޮތުން ދުވާލެއްގެ މައްޗަށް ކޯވިޑް19 ޖެހޭ މީހުންގެ އަދަދު ވަނީ 1000 އިން މައްޗަށް އަރާފައެވެ. އަދި މި ބަލީގައި ނިޔާވާ މީހުންގެ އަދަދުވެސް ވަނީ ވަރަށް ބޮޑަށް އިތުރުވެފައެވެ.