ޔޫރޯ ފުޓުބޯޅަ މުބާރާތާއި ގުޅުވައިގެން ބީއެމްއެލްއިން ޚާއްސަ ޗެލެންޖެއް

ޔޫރޯ ފުޓުބޯޅަ މުބާރާތާއި ދިމާކޮށް ޚާއްސަ އިނާމުތަކެއް ލިބޭ ޗެލެންޖެއް ބޭންކް އޮފް މޯލްޑިވްސްއިން ފަށައިފިއެވެ.

މި ޗެލެންޖުގައި ޔޫރޯ ފުޓުބޯޅަ މުބާރާތުން މޮޅުވާ ޓީމެއް ދިމާކޮށްގެން 10،000 ރުފިޔާ ލިބޭނެކަމަށް ބީއެމްއެލްއިން ބުނެއެވެ. އަދި މީގެއިތުރުންވެސް ކޮންމެ ހަފްތާއަކު ޚާއްސަ އިނާމުތަކެއް ވަނީ ކަނޑައަޅާފައެވެ.

advertisement

ބީއެމްއެލްއިން ބުނީ ޔޫރޯ ފުޓުބޯޅަ މުބާރާތައް ޚާއްސަކޮށްގެން ކުރިއަށްގެންދާ ޗެލެންޖުގެ ފުރަތަމަ ޕޯސްޓް އަންނަ އާދިއްތަ ދުވަހުގެ ދަންވަރު 2 ޖަހާއިރު ޕޯސްޓް ކުރާނެކަމަށެވެ. އަދި މިކަމަށް އިންތިޒާރުކުރުމަށް ވަނީ އެދިފައެވެ. މި ޗެލެންޖާއި ގުޅޭ އިތުރު މައުލޫމާތު ބީއެމްއެލްގެ ވެބްސައިޓް link.bml.com.mv/euro-challenge އިން ލިބޭނެއެވެ.

ޔޫރޯ ފުޓުބޯޅަ މުބާރާތް ރޭ ވަނީ ފަށާފައެވެ. ރޭގެ މެޗު އޮތީ އިޓަލީވިލާތުގެ ވެރިރަށް ރޯމްގެ ސްޓާޑިއޯ އޮލިމްޕިކޯގައެވެ. މި މެޗްގައި ބައްދަލުކޮށްފައިވަނީ އިޓަލީވިލާތާއި ތުރުކީވިލާތެވެ.

މިފަހަރުގެ މުބާރާތުގެ މެޗުތައް އެގާރަ ޤައުމެއްގައި ކުޅޭނެއެވެ. 24 ޓީމް ވާދަކުރާ މި މުބާރާތުގައި 51 މެޗް ކުޅުމަށް ވަނީ ހަމަޖެހިފައެވެ.