އެޗްއާރުސީއެމްއަށް ފަތުރުވެރިކަމުގެ ސިނާއަތުގެ 28 މައްސަލައެއް ވަނީ ހުށައަޅާފައި

ހިއުމަން ރައިޓްސް ކޮމިޝަން އޮފް ދަ މޯލްޑިވްސްއަށް މިދިޔަ 1 އަހަރު ދުވަހުގެ ތެރޭގައި ފަތުރުވެރިކަމާއި ހުޅުންހުރި 28 މައްސަލައެއް ހުށައަޅާފައިވާކަމަށް އެ ކޮމިޝަނުން ވިދާޅުވެއްޖެއެވެ.

ހިއުމަން ރައިޓްސް ކޮމިޝަނުން އާންމުކޮށްފައިވާ ތަފާސްހިސާބުތައް ދައްކާގޮތުން މީގެތެރޭގައި އެންމެ ގިނައިން ހިމެނެނީ ކޯވިޑާއި ގުޅުންހުރި މައްސަލަތަކެވެ. އެއީ މުޅި ޖުމްލަ 23 މައްސަލައެކެވެ. ވަޒީފާއިން ވަކިކޮށްގެން 1 މައްސަލައެއް ވަނީ ހުށައަޅާފައެވެ. އަދި މުސާރަ ނުދިނުމުގެ 2 މައްސަލައެއް ހުށައަޅާފައިވާކަމަށް އެ ކޮމިޝަންގެ ތަފާސްހިސާބުތަކުން ދައްކައެވެ.

advertisement

ރިސޯޓްގައި ހިނގި މަރުގެ 1 މައްސަލައެއް ވަނީ ހުށައަޅާފައެވެ. ޖިންސީ ފުރައްސާރައިގެ 1 މައްސަލައެއްވެސް މި މުއްދަތުގެ ތެރޭގައި ހިއުމަން ރައިޓްސް ކޮމިޝަންއަށް ވަނީ ހުށައަޅާފައެވެ.

ހިއުމަން ރައިޓްސް ކޮމިޝަނުން ވިދާޅުވީ، އެ ކޮމިޝަނަށް ހުށައަޅާފައިވާ 28 މައްސަލައިގެ ތެރެއިން 17 މައްސަލަ މިހާރު ބަލާ ނިންމާފައިވާކަމަށެވެ. މިއީ 2020 ވަނަ އަހަރުން 2021 ވަނަ އަހަރަށް ހުށައަޅާފައިވާ މައްސަލަތަކެވެ.