މިއަދުން ފެށިގެން ވެމްކޯގެ ވޭސްޓް ޓްރާންސްފަރ ޝެކްޝަނުން ޚިދުމަތްދޭ ވަގުތައް ބަދަލުތަކެއް

ވޭސްޓް މެނޭޖްމަންޓް ކޯޕަރޭޝަން، ވެމްކޯގެ މާލެ އަދި ހުޅުމާލެ ވޭސްޓް ޓްރާންސްފަރ ޝެކްޝަނުން ޚިދުމަތްދޭ ގޮތައް ބަދަލުގެނެސްފިއެވެ.

ވެމްކޯއިން ގެނައި ބަދަލާއިއެކު މިއަދުން ފެށިގެން މާލެ ހުޅުމާލެ ވޭސްޓް ޓްރާންސްފަރ ސެކްޝަން ހުޅުވާފައި ހުންނާނީ ހުކުރު ދުވަސް ފިޔަވައި ކޮންމެ ދުވަހަކު ހެނދުނު 8:30 އިން 1600 އަށެވެ. ހުކުރު ދުވަހު ޚިދުމަތްދޭނީ 8:30 އިން 11:30 އަށެވެ. އަދި 14:00 އިން 1600 އަށެވެ.

ވެމްކޯއިން ބުނީ ޚިދުމަތްދޭ ގަޑިތަކަށް ބަދަލުގެނައީ މާލެ ސަރަހައްދުގައި އޮތް ކޯވިޑް19 ގެ ހާލަތާއި ގުޅިގެން ސަރުކާރުން އިއުލާންކޮށްފައިވާ ރައްކާތެރިކަމުގެ ފިޔަވަޅުތަކަށް ރިއާޔަތްކޮށްގެންކަމަށެވެ.