ވިލާކޮލެޖުން އެ ކޮލެޖްގެ ކެމްޕަސް ހިންގާ ރަށްރަށައް 20,000 މާސްކް ހަދިޔާކޮށްފި

ވިލާ ކޮލެޖުން އެކޮލެޖުގެ ކެމްޕަސްތައް ހުންނަ ރަށްރަށުގެ ރަށު ކައުންސިލުތަކަށް 000،20 މާސްކު ހަދިޔާކޮށްފިއެވެ.

ވިލާ ކޮލެޖުން ހަދިޔާކުރި މި މާސްކުތައް ކައުންސިލްތަކާއި ޙަވާލު ކޮށްފައިވަނީ، ކެމްޕަސްތަކުން އެ ކެމްޕަސް ހުންނަ ރަށްރަށުގެ ކައުންސިލް ތަކާއެކު ބޭއްވި ޚާއްޞަ ރަސްމިއްޔާތު ތަކުގައެވެ.

advertisement

ވިލާ ކޮލެޖުގެ ކެމްޕަސްތައް ހުންނަ ރަށްރަށްކަމުގައިވާ ހދ. ކުޅުދުއްފުށީ ކެމްޕަސް، ށ. ލޭކްސައިޑް ކެމްޕަސް (ށ. ފޮނަދޫ) ޅ. ނައިފަރު ކެމްޕަސް، އދ. މަހިބަދޫ ކެމްޕަސް، ލ. ގަން ކެމްޕަސް ގެ އިތުރުން ސ. ހިތަދޫ ކެމްޕަހުން، އެ ރަށްރަށުގެ ކައުންސިލްތަކާއި މާސްކުތައް ވަނީ ޙަވާލު ކޮށްފައެވެ.

ވިލާ ކޮލެޖުން ބުނީ މިއީ ދިވެހިރާއްޖެ “ކޮވިޑު 19″ގެ ބަލިމަޑުކަމުގެ ޙާލަތުގައި ތިބި މި ދަނޑިވަޅުގައި ވިލާ ކޮލެޖު ކެމްޕަސްތަކުން، ކައުންސިލްތަކަށް އެހީވުމުގެގޮތުން ކުރެވުނު ހަދިޔާއެއްކަމަށެވެ.

ވިލާ ކޮލެޖަކީ ރާއްޖޭގައި އެންމެ ފުޅާދާއިރާއެއްގައި މަތީތަޢުލީމު ފޯރުކޮށްދޭ އެއް މުޢައްޞަސާއަށް ވީއިރު، ކޮލެޖުގެ ކެމްޕަސްތައް ރާއްޖޭގެ އެކި ކަންކޮޅުތަކުގައިވަނީ ޤާއިމުކުރެވިފައެވެ.