މަސައްކަތާއި ނުގުޅޭ މައުލޫމާތެއް ސާފުކޮށްގެން މިހާތަނަށް އެއްވެސް ޝަކުވާއެއް ލިބިފައެއް ނުވޭ – ފުލުހުން

އެޗްޕީއޭއިން އަޅާފައިވާ ފިޔަވަޅުތައް ތަންފީޒުކުރުމަށް މަސައްކަތާއި ނުގުޅޭ މައުލޫމާތެއް ސާފުކޮށްގެން މިހާތަނަށް އެއްވެސް ފަރާތަކުން ޝަކުވާއެއް ހުށައަޅާފައިނުވާކަމަށް ފުލުހުން ވިދާޅުވެއްޖެއެވެ.

އެޗްޕީއޭގެ އަޅާފައިވާ ފިޔަވަޅުތައް ތަންފީޒުކުރުމަށް ފުލުހުން ކުރަމުންދާ މަސަ ތެރެއިން، މަސައްކަތާ ނުގުޅޭ މައުލޫމާތު ސާފުކުރާކަމަށް ސޯސަލް މީޑިއާގައި ބައެއް ފަރާތްތަކުން ވަނީ ބުނެފައެވެ. ފުލުހުން ވިދާޅުވީ، ސޯޝަލް މީޑިއާގައި ބައެއް ބައެއް ފަރާތްތަކުން މިފަދަ ކަންކަމަށް ތުހުމަތު ކޮށްފައި ވާތީ ޕްރޮފެޝަނަލް ސްޓޭންޑަރޑްސް ކޮމާންޑުން ދަނީ އެކަމާ ގުޅިގެން ބަލަންޖެހޭ ކަންކަން ބަލަމުންކަމަށެވެ. ފުލުހުން ވިދާޅުވީ، މަސައްކަތާ ނުގުޅޭ މައުލޫމާތު ސާފުކުރާ ކަމުގެ މި އެއްވެސް ޝަކުވާއެއް އެއްވެސް ފަރާތަކުން މިހާތަނަށް ފުލުހުން ހުށަހަޅާފައެއް ނުވާކަމަށެވެ.

advertisement

އަދި، މިފަދަ ކަމެއް އެއްވެސް ފުލުހެއްގެ ފަރާތުން ފެނިއްޖެނަމަ، ހަމަޖެހިފައި އޮންނަ އުސޫލުގެ ތެރެއިން ޕްރޮފެޝަނަލް ސްޓެންޑަރޑްސް އީމެއިލް jsc@police.gov.mv އަށް އީމެއިލް ކުރައްވައިގެން މައްސަލަ ހުށަހެޅުއްވުމަށްވެސް ފުލުހުން ވަނީ އިލްތިމާސް ކޮށްފައެވެ.

ފުލުހުން ވިދާޅުވީ، އެޗްޕީއޭ އިން އަޅާފައިވާ ފިޔަވަޅުތައް ތަންފީޒު ކުރުމަށް ފުލުހުން ކުރަމުންދާ ކަތުގެ ތެރެއިން، ޕާމިޓްގެ ސައްހަކަން ކަށަވަރު ކުރުމަށް ބައެއް ހާލަތްތަކުގައި ދިވެހި ރައްޔިތެއްކަން އަންގައިދޭ ކާޑު ނަންބަރު އަދި ޖޫރިމަނާ ކުރަން ޖެހިއްޖެ ހާލަތެއްގައި އެކަން އެސްއެމްއެސް މެދުވެރިކޮށް އެ ފަރާތަކަށް އެންގުމަށް ފޯން ނަންބަރު އޮޅުން ފިލުވާނެކަމަށެވެ.