ސިޓީ ކައުންސިލުން ބޭނުންވިއަސް ހުޅުމާލެ ބީޗުގައި ކެފޭ ހިންގަން ހުއްދައެއް ނުދެވޭނެ – އެޗްޑީސީ

ސިޓީ ކައުންސިލުން ބޭނުންވިއަސް ހުޅުމާލެ ބީޗުގައި ކެފޭ ހިންގުމުގެ ހުއްދަ ނުދެވޭނެކަމަށް ހައުސިންގ ޑިވެލޮޕްމަންޓް ކޯޕަރޭޝަން، އެޗްޑީސީން ވިދާޅުވެއްޖެއެވެ.

މިދިޔަ ހަފުތާގައި މާލޭ ސިޓީ ކައުންސިލުން ވަނީ އެޗްޑީސީގެ ވެރިންނާ ބައްދަލުކޮށް، ހުޅުމާލޭ ބީޗުގައި އަލުން ކެފޭ ހިންގަން ހުއްދަދިނުމަށް އެދި މަޝްވަރާކޮށްފަ އެވެ. ނަމަވެސް އެޗްޑީސީން ބުނީ އެ އިދާރާގެ ވިސްނުމަކީ އެތަން އާންމުންނަށް ހުޅުވާލައިފައި ބޭއްވުން ކަމަށެވެ.

advertisement

ހުޅުމާލެ ބީޗް ސަރަހައްދުގައި ޤަވައިދާ ހިލާފަށް ކެފޭ ރެސްޓޯރަންޓް ހިންގަމުންދިޔަ ކެފޭ ރެސްޓޯރަންޓްތައް ހުސްކޮށްފައިވަނީ 2019 ވަނަ އަހަރުއެވެ. އެޗްޑީސީން އެތަނުގައި ހުރި ސާމާނު ނެގީ، ކެފޭ/ރެސްޓްރޯންޓްތައް ހިންގާ ފަރާތްތަކަށް އެ ސަރަހައްދު ހުސްކުރަން ތަކުރާރުކޮށް އެންގުމުން ވެސް އެކަން ކޮށްފައި ނުވާތީ އެވެ.

އެޗްޑީސީން ވިދާޅުވެފައިވަނީ ހުޅުމާލޭގެ ދެވަނަ ފިޔަވަހީގައި ހިއްކާފައިވާ ސަރަހައްދުގައި ފެން ހޮޅި ވަޅުލުމުގެ މަޝްރޫއު ނިންމުމުން ހުޅުމާލެ ގޮނޑުދޮށް ތަރައްޤީކުރަނީ ދަތުރުދާ ސަރަހައްދެއްގެ ގޮތުގައި ކަމަށެވެ.