އަންހެންކުދިންގެ ޖިންސީ ގުނަވަން ބުރިކުރުމުގެ ފޯކަސް ގެއްލުވާލުމަށް ނަފުރަތު ބިލްގެ ވާހަކަ ގިނަ ކުރުމަށް ޝެއިހް އަލީ ޒައިދު ގޮވާލައިފި

އަންހެންކުދިންގެ ޖިންސީ ގުނަވަން ބުރިކުރުމުގެ ފޯކަސް ވީހާވެސް އަވަހަށް ގެއްލުވާލުމަށާއި އަދި އެކަން ކުރުމަށްޓަކައި ނަފުރަތު ބިލްގެ ވާހަކަ ގިނަ ކުރުމަށް ޝެއިހް އަލީ ޒައިދު ގޮވާލައިފިއެވެ. އަލީ ޒައިދުކުރެއްވި ޓްވީޓެއްގައި ބުނެފައިވަނީ މިވާހަކަދައްކަނީ ލާދީނީ އެޖެންޑާ ހިންގުމުގެ ބޭނުމުގައި ކަމަށާއި މިއީ އަނބުރާ ގޭސްގަޑެއްކަމަށެވެ. ޝެއިހު އަލީ ޒައިދަކީ މަސްހޫރު ދީނީ އިލްމްވެރިޔާ ޝެއިޙު ފަރީދު ކޮއްކެއެވެ.

އަންހެން ކުދިންގެ ޖިންސީ ގުނަވަން ބުރިކުރުމަށް ޑރ އިޔާޒު ލަތީފު ހިމެނޭގޮތަށް ބައެއް ދީނީ އިލްމުވެރިން ހިތްވަރުދެމުންގެންދާ މައްސަލަގައި އާންމުންގެ ގިނަބަޔަކު ރުޅިގަދވެ ގަދަޔަށް ރައްދު ދީފައެވެ. އަދި އިޔާޒު ލަތީފު ޔުނިވަރސިޓީގެ ލެކްޗަރައެއްގެ މަޤާމުން ދުރުކުރުމަށް ސަރުކާރަށް ވަނީ ގޮވާލާފައެވެ.

advertisement

ޑރ އިޔާޒު ފާހަނގަކުރެވެނީ އަންހެންކުދިންގެ ޖިންސީ ގުނަވަން ބުރިކުރުމަށް އަޑު އުފުލާ އަދި އެކަމަށް ވަރަށް ފޯރި ހުންނަ ބޭފުޅެއްގެ ގޮތުގައެވެ. އަދި ކޮންމެފަދަ އަދަބެއް ދިނަސް މިކަމަށް ހިތްވަރު ދިނުމުގައި ދެމިހުންނާނެކަމުގެ ޔަޤީންކަން ވަނީ ދެއްވާފައެވެ. މީގެ ކުރިންވެސް ކައިވެނީގެ ތެރެއިން ހިނގާ ރޭޕް އަދި ކުޑަކުދިންގެ ކައިވެނި ފަދަ މައްސަލަތަކުގައި އިޔާޒުގެ ވިސްނުމަށް ފާޑުކިޔުން އަމާޒުވެފައިވެއެވެ.