ހަނިމާދޫ ހައުސިންގ ޔުނިޓުތައް ނިންމުމުގެ މަސައްކަތް ބަޔަކާއި ހަވާލުކޮށްފި

ހދ. ހަނިމާދޫގައި ތަރައްޤީކުރަން ފަށާފައިވާ ހައުސިންގ ޔުނިޓުތައް ނިންމުމުގެ މަސައްކަތް ހައުސިންގ މިނިސްޓްރީން ކުންފުންޏަކާ ޙަވާލުކޮށްފިއެވެ. ހދ.ހަނިމާދޫ ހައުސިން ޔުނިޓްތައް ނިންމުމަށް ހަވާލުކޮށްފައިވަނީ ދޮންބެޒް ޕްރައިވެޓް ލިމިޓޭޑްއާއެވެ. ހައުސިންގ ޔުނިޓުތަކުގެ މަސައްކަތް ހަވާލުކޮށްފައިވަނީ ހައުސިންގ މިނިސްޓްރީގައި ބޭއްވި ޚާއްސަ ރަސްމިއްޔާތެއްގައެވެ.

މިއަހަރުގެ ޕީއެސްއައިޕީ ބަޖެޓުގައި ހިމަނާފައިވާ ހދ.ހަނިމާދޫ ހައުސިން މަޝްރޫޢުގެ ދަށުން ކުރިއަށްގެންދަނީ އެރަށުގައި 2011 ވަނަ އަހަރު ފަށާފައިވާ ހައުސިންގ މަޝްރޫޢުގައި ހިމެނޭ 52 ޔުނިޓުގެ މަސައްކަތުގެ ނުނިމިހުރި މަސައްކަތް ނިންމާ އަލަށް ތަރައްޤީކުރަން ހަމަޖެހިފައިވާ 48 ހައުސިންގ ޔުނިޓުގެ މަސައްކަތެވެ.

advertisement

79 މިލިއަނަށްވުރެ ގިނަ ރުފިޔާއަށް މިދެމަޝްރޫޢުގެ މަސައްކަތް މިނިސްޓްރީ އޮފް ނޭޝަނަލް ޕްލޭނިންގ ހައުސިންގ އެންޑް އިންފްރާސްޓްރަކްޗަރއިން ޙަވާލުކޮށްފައިވަނީ ދޮންބެޒް ޕްރައިވެޓް ލިމިޓެޑާއެވެ. އެކުންފުންޏާ މިމަސައްކަތް ޙަވާލުކޮށްފައިވަނީ 11 މަސްދުވަހުގެ ތެރޭގައި ނިންމާގޮތަށެވެ.