ޚަބަރު

ރާއްޖެއިން އަމަލުކުރަމުންދަނީ މަންޑޭލާ ރޫލްސްއަށް: ކޮމިޝަނަރ އޮފް ޕްރިޒަންސް އަޙްމަދު މުޙައްމަދު ފުޅު

19 ޖުލައި 2021 - 16:06

ރާއްޖެއިން އަމަލުކުރަމުންދަނީ މަންޑޭލާ ރޫލްސްއަށްކަމަށް ކޮމިޝަނަރ އޮފް ޕްރިޒަންސް އަޙްމަދު މުޙައްމަދު ފުޅު ވިދާޅުވެއްޖެއެވެ. އޭނާ މިހެން ވިދާޅުވީ، ޔޫއެންއޯޑީސީއިން ކުރިއަށްގެންދިޔަ މަންޑޭލާ ޑޭ ކެމްޕެއިނާއި ގުޅުވައިގެންނެވެ.

ވަރޗުއަލްކޮށް ދިން މި މެސެޖުގައި ކޮމިޝަނަރ އޮފް ޕްރިޒަންސް އަޙްމަދު މުޙައްމަދު ފުޅު ވިދާޅުވީ، މޯލްޑިވްސް ކަރެކްޝަނަލް ސަރވިސަސްގެ ޕޮލިސީތައް ފަރުމާކޮށްފައިވަނީ ނަލްސަން މަންޑޭލާ ރޫލްސްއާއި އެއްގޮތައްކަމަށެވެ. މިކަން ހާސިލްކުރުމަށްޓަކައި އެންމެ ބޮޑު އިސްކަމެއް ދެއްވަނީ ހުރިހައި ޕްރިޒަން އޮފިސަރުންނަކީވެސް މިކަމަށް ތަމްރީން ކުރެވިފައިވާ ބަޔަކަށް ހެދުންކަމަށް އޭނާ ވިދާޅުވިއެވެ. ޔޫއެންއޯޑީސީއާއި ގުޅިގެން މިހާރުވެސް މޯލްޑިވްސް ކަރެކްޝަނަލް ސަރވިސަސްގައި ޔޫއެންއޯޑީސީ ސެޓިފައިޑް ނަލްސެން މަންޑޭލާ ޕްރޮގްރާމްތައް މިހާރުވެސް ކުރިއަށްގެންދާކަން އޭނާ ފާހަގަކުރެއްވިއެވެ.

advertisement

ޑިރެކްޓަރ އޮފް މާފުށި ޕްރިޒަންސް އަޙްމަދު ޖާދުއްﷲ ވިދާޅުވީ، މަންޑޭލާ ރޫލްސްއާއި އެއްގޮތައް ރާއްޖޭގައި ގިނަ މަސައްކަތްތަކެއް ކުރެވިފައި އެބަހުރިކަމަށެވެ. ޔޫއެންއޯޑީސީގެ ފަރާތުން ރާއްޖޭގައި މަންޑޭލާ ރޫލްސްގެ ތަމްރީން ޕްރޮގްރާމްތަކެއް ކުރިއަށްގެންގޮސްފައިވާކަން އޭނާ ފާހަގަކުރެއްވިއެވެ. އެގޮތުން 140 އޮފިސަރުން މިހާރު ވަނީ މި ތަމްރީން ފުރިހަމަކޮށްފައިކަމަށް ޖާދުއްﷲ ވިދާޅުވިއެވެ.

ރިއެކްޝަންސް
0
0
0
0
0
0
0