މޫސުން ގޯސްވެ ރާއްޖޭގެ އެކި ކަންކޮޅުތަކަށް ހުދު ސަމާލު ނެރެފި

މޫސުން ގޯސްވާނެކަމަށް ލަފާކޮށް ރާއްޖޭގެ ހއ. އަތޮޅުން ފެށިގެން ރ. އަތޮޅަށް މެޓް އޮފީހުން ހުދު ސަމާލުނެރެފިއެވެ.

ހުދު ސަމާލުނެރެފައިވަނީ މިއަދު 05:30 އިން 10:30 އަށެވެ. އަދި މެޓް އޮފީހުން ހާމަކުރި ގޮތުގައި، އެ ވަގުތުތަކުގައި އެ އަތޮޅުތަކަށް ބޯކޮށްވާރޭވެހުމާއެކު ގުގުރުން އަދި ވިލާގަނޑުގައި ގަޑިއަކު ގާތްގަނޑަކަށް 40 މޭލަށް ވައިގަދަވާނެ ކަމަށް ލަފާކުރެވެއެވެ.

advertisement

މޫސުން ގޯސްވުމުގެ ސަބަބުން ރާއްޖޭގެ ރަށްތަކަށް އަންނަނީ ބޮޑެތި ގެއްލުންތަކެއް ލިބެމުންނެވެ. އެގޮތުން ރާއްޖޭގެ ދެކުނަށް ކުރި ވިއްސާރައިގައި ސ.ހިތަދޫގެ ގެޔަކަށް ފެން ވަންނާތީ، އެމްއެންޑީއެފް ސަދަން އޭރިއާގެ ސިފައިން ވަނީ އެހީތެރިކަން ފޯރުކޮށްދެއްވައިފައެވެ. އަދި ހަމަ އެހެންމެ ސ.ހިތަދޫ ގެއެއްގެ ފުރާޅު ވަޔާ އެއްލާލައިގެންވެސް ސިފައިންވަނީ އެހީތެރިކަން ފޯރުކޮށްދެއްވައިފައެވެ.

މިފަދަ ގެއްލުންތައް ލިބެމުން އަންނަކަމުން މޫސުމާބެހޭ މާހިރުން އަންނަނީ ސަމާލުވުމަށް އަންގަވަމުންނެވެ.