ޚަބަރު

އެވިޑް ފްލައިން ސްކޫލްގެ ތަމްރީނުތައް އަލުން ފަށައިފި

28 ޖުލައި 2021 - 13:26

އެވިޑް ފްލައިން ސްކޫލްގެ ތަމްރީނުތައް އަލުން ފަށައިފިއެވެ. އައްޑޫ ފްލައިން ސްކޫލްގެ މިލްކިއްޔާތު އެވިޑް ކޮލެޖުން މިހާރު ވަނީ ގަނެފައެވެ.

ފްލައިން ސްކޫލްގައި މިހާރު ކިޔަވަމުންގެންދާ ދަރިވަރުންނަށް ހިންގާ ޓްރެއިނިންތައް ހުއްޓިފައި އޮންނަތާ ދުވަސްތަކެއް ފަހުން ސިމިއުލޭޓަރ ޓްރެއިނިން މިހާރު ވަނީ ފަށާފައެވެ. ތިއަރީ ކްލާސްތައް ފެށިގެން މިހާރުވެސް ކުރިއަށްދާކަމަށް އެވިޑް ކޮލެޖުން މައުލޫމާތުދެއެވެ. އައްޑޫ ފްލައިން ސްކޫލްގެ މިލްކިއްޔާތު އެވިޑް ކޮލެޖުން ގަނެފައިވަނީ ޖޫންމަހުގެ 24 ވަނަ ދުވަހުއެވެ. މިތަން މިހާރު ހިންގަމުންދަނީ “އެވިޑް ސްކޫލް އޮފް އޭވިއޭޝަން”ގެ ނަމުގައެވެ.

advertisement

އަމިއްލަ ލައިސަންސް ހޯދުމަށް މިހާރު އެވިޑް ކޮލެޖުން އަންނަނީ މަސައްކަތްކުރަމުންނެވެ. އައްޑޫ ފްލައިން ސްކޫލްގެ މިލްކިއްޔާތު އެއްކޮށް އެވިޑް ކޮލެޖްގެ ދަށަށް ގެނައުމުގެ މަގްސަދަކީ، ފްލައިން ސްކޫލްގައި ކިޔަވަމުންދިޔަ ދަރިވަރުންގެ ކަންބޮޑުވުންތަކަށް ހައްލު ހޯދައި ދިނުމެވެ. އެކުދިންގެ ކިޔެވުމަށް އަވަސް ހައްލެއް ހޯދައިދިނުމަކީ ކޮލެޖުން އިސްކަމެއްދޭނެ ކަމެއް ކަމުގައި ކޮލެޖުން ބުނެއެވެ.

ރިއެކްޝަންސް
0
0
0
0
0
0
0